პარასკევი, 13.12.2019, 01:44
მოგესალმები სტუმარი

...

მთავარი » 2012 » დეკემბერი » 07

 
 

„რა დიდი სურვილიც არ უნდა ჰქონდეთ ერთეულ არასამთავრობო  ორგანიზაციებს,  ოჯახში ძალადობის პრობლემას ვერაფერს უშველიან, თუ მთელი საზოგადოება არ იქნა დარაზმული".

„თუ ბიუროკრატიული არა - მოუქნელი ნამდვილად შეიძლება ვუწოდოთ კანონს, რადგან ძალიან გართულებულია პროცედურები საიმისოდ, რომ  მსხვერპლი თავშესაფარში მოხვდეს".

„იქნებ გაითვალისწინონ სოციალურ საცხოვრისებში ძალადობის მსხვერპლის ოჯახებისთვის ფართის გამოყოფის საკითხი".

„კანონი უნდა ავალდებულებდეს ადგილობრივ ხელისუფლებას დაეხმაროს ოჯახში ძალადობის მსხვერპლს,  და არა - კეთილი ნება".

„უდიდესი მნიშვნელობა ენიჭება საზოგადოების ინფორმირებულობას, ამ საკითხებში სახელისუფლებო და არასამთავრობო სექტორის ერთიანობას".

„ძალადობისაგან ბავშვების დაცვის საკითხში უნდა ითანამშრომლოს რესურს ცენტრმა, სოციალურმა სამსახურმა, პოლიციამ, სკოლებმა, რაც ყოველთვის არ ხორციელდება".

„პრობლემას ქმნის კადრების დენადობა პოლიციაში, როცა გადამზადებული კადრების დეფიციტი იქმნება".

„ჯერ კიდევ მტკივნეული რჩება მოზარდებისა და ტოტალიზატორების თემა".

...კამპანიის ფარგლებში ზუგდიდში ჩატარებულ მრგვალ მაგიდაზე ადგილობრივი ხელისუფლების, არასამთავრობო სექტორის, სამართალდამცავი სტრუქტურების, სოციალური სამსახურების, დევნილი და ადგილობრივი საზოგადოების სხვადასხვა ჯგუფების წარმომადგენლები შეიკრიბნენ. მონაწილეთა შეფასებით, შეხვედრა ძალიან ნაყოფიერი გამოდგა და ის სამომავლოდ ოჯახში ძალადობის მსხვერპლის დაცვისა  და ძალადობის პრევენციის კუთხით  არსებული სიტუაციის გამოსწორებას და საზოგადოების კონსოლიდაციას შეუწყობს ხელს.

 შეხვედრას ევროკავშირის მისიის წარმომადგენლები დაესწრნენ. მათ აღნიშნეს, რომ ძალიან მნიშვნელოვანია საზოგადოებრივი დისკუსიები მსგავს საკითხებზე. ასევე - დიდი როლი ენიჭება  სამოქალაქო კამპანიებს, რომლითაც ხდება ყველა კეთილი ნების ადამიანის კონსოლიდაცია.

კატეგორია: მრგვალი მაგიდები | ნანახია: 948 | დაამატა: admin | თარიღი: 08.12.2012


შეფასებითი ტრენინგი - ასე უწოდეს ფონდ „სოხუმში" ჩატარებულ ტრენინგ-სემინარს, რომლის მონაწილეები ბოლო ორი წლის განმავლობაში შესრულებული სამშვიდობო საქმიანობის შეფასებას შეეცადნენ.

ინტერაქტიული მეთოდებით, დისკუსიებით თუ ჯგუფური სავარჯიშოებით მონაწილეებს შესაძლებლობა ჰქონდათ საკუთარი პოზიცია დაეფიქსირებინათ შემდეგ საკითხებზე:  რამდენად არის დღეს საქართველოში ქალის როლი შეფასებული, არის თუ არა მისი პოტენციალი გამოყენებული სამშვიდობო საქმიანობაში.

მონაწილეებმა იმსჯელეს იმ ძირითად მიზეზებზე, რომელიც ხელს უშლის და აფერხებს ქალის პოტენციალის გამოყენებას კონფლიქტის მშვიდობიანი დარეგულირებისათვის.

 მონაწილეებმა ტრენინგს მნიშვნელოვანი უწოდეს, მათი აზრით, საშუალება მიეცათ გენდერული კუთხით სერიოზული ანალიზი გაეკეთებინათ, რა პოზიტიურ შედეგს მოიტანდა ქალის პოტენციალის სრულად გამოყენება მოლაპარაკებათა პროცესებში. ანალიზისას გამოიკვეთა, რომ ქალის რესურსის ჩართვა ამ პროცესებში კონფლიქტების მშვიდობიანი გზით დარეგულირებაში სასიკეთო ცვლილებებს მოიტანს.

პროექტი ხორციელდება შვედეთის ქალთა ორგანიზაციაქალები ქალებისათვის" (KVINNA TILL KVINNA) მხარდაჭერით.

 


კატეგორია: ტრენინგ-სემინარები | ნანახია: 578 | დაამატა: moderatori | თარიღი: 07.12.2012

16-დღიანი კამპანიის ფარგლებში დევნილთა სხვადასხვა კოლექტიურ ცენტრებში გრძელდება საინფორმაციო შეხვედრები.

ყოფილი სააფთიაქო და სატრაქტორო  შენობა,(რომელიც უკვე დევნილთა კუთვნილებაშია) კულინარიული სასწავლებელი - ფონდი „სოხუმის" ქალთა მხრდაჭერის ცენტრის წარმომადგენელმა სწორედ ამ კოლექტიურ ცენტრებში ჩაატარა საინფორმაციო შეხვედრები.

მონაწილეებმა  აღნიშნეს, რომ გმობენ ქალთა მიმართ ძალადობას და უერთდებიან მსოფლიო საზოგადოების მიერ გამოთქმულ პროტესტს.

შეკრებილებს დაურიგდათ კამპანიის ფარგლებში გამოცემული საინფორმაციო ფურცლები, კალენდრები, პოსტერები...

დევნილმა ქალებმა გამოთქვეს სურვილი კამპანიის შესახებ ინფორმაცია მთელს საცხოვრებელში გაავრცელონ და ხელი შეუწყონ საზოგადოებაში ანტიძალადობრივი განწყობის შექმნას.

კატეგორია: შეხვედრები | ნანახია: 613 | დაამატა: admin | თარიღი: 07.12.2012

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  დეკემბერი 2012  »
ორსამოთხხუთპარშაბკვ
     12
3456789
10111213141516
17181920212223
24252627282930
31
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0