...

ხონის მუნიციპალიტეტის საკრებულოში ჩატარდა დებატები ახალგაზრდებთან თემაზე „გლობალიზაციის გავლენა ახალგაზრდებსა და ტრადიციებზე". შეხვედრას 16 მოსწავლე ესწრებოდა ქალაქის სხვადასხვა სკოლიდან. ისინი აქტიურად ჩაერთნენ დებატებში, განიხილეს გლობალიზაციის დადებითი და უარყოფითი მხარეები, განსაზღვრეს მისი გავლენა და ერთხმად შეთანხმდნენ იმაზე, რომ მიუხედავად განვითარებისკენ სწრაფვისა, ტრადიციების შენარჩუნება და დაცვა თითოეული მოქალაქის ვალდებულებაა.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

სოციალური პრობლემები ოჯახური კონფლიქტებისთვის სერიოზულ საფუძველს ქმნის, მაგრამ ამ კონფლიქტების მართვა შესაძლებელია, თუ ორივე მხარე იქნება დაინტერესებული, - ასეთი მოსაზრებები ისმოდა წყალტუბოში გამართულ დებატებზე, რომელიც ახალგაზრდულ ცენტრში მოეწყო.

ახალგაზრდების აზრით, შესაძლოა, სოციალური პრობლემების მოგვარება რთული იყოს, მაგრამ მათი გადაწყვეტა ხშირად არ ნიშნავს ოჯახური კონფლიქტების მოგვარებას. ერთ პრობლემას მეორე მოსდევს, მეორეს - მესამე, მიზეზები არ დაილევა, ამიტომ კომუნიკაციით, სწორი ურთიერთობით შესაძლებელია კონფლიქტების თავიდან არიდება.    

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

ხონი

 აზარტული თამაშები და მათზე დამოკიდებული ახალგაზრდობა - აღნიშნული თემა ხონის ახალგაზრდებისთვის აქტუალური აღმოჩნდა. როგორც გაირკვა, მონაწილეთა ნაწილი მსგავსი ტიპის თამაშებით ხშირად სარგებლობს.

დებატებზე გულწრფელად აღინიშნა, რომ აზარტულ თამაშებზე დამოკიდებულება განსაკუთრებით სახიფათოა მოზარდებისთვის, ასეთ დროს ხშირია სუიციდის ფაქტებიც.

რეკომენდაციებში დაფიქსირდა სკოლის, ოჯახისა და სახელმწიფოს პასუხისმგებლობა.

 სენაკი

კონფლიქტები სახელმწიფოთა შორის და ახალგაზრდების დამოკიდებულება - ამ თემით სენაკის ახალგაზრდული ცენტრი დაინტერესდა. მონაწილეებმა ცალსახად დააფიქსირეს, რომ სახელმწიფო კონფლიქტებს ხშირად კონკრეტული პიროვნებები წარმართავენ. მათი აზრით, წინაკონფლიქტურ სიტუაციებში ახალგაზრდების ხმა უფრო ძლიერი უნდა იყოს, რომ პოზიტიურად იმოქმედოს ორივე მხარეზე. 

ფოთი

ოჯახში ძალადობის თემამ მწვავე დებატები გამოიწვია. განსაკუთრებით ბიჭები აქტიურობდნენ. მათი აზრით, ქართული მენტალიტეტი იმდენად ძლიერია, მის ტრანსფორმაციას წლები დასჭირდება. ამიტომაც, თუ გვსურს, რეალურად შევცვალოთ შედეგი, ცვლილება ცალკეულმა ადამიანებმა საკუთარი თავით  უნდა დაიწყონ.

ხურჩა

ხურჩის ახალგაზრდულმა ცენტრმა გენდერული თანასწორობის თემა აარჩია. ითქვა, რომ ამ მიმართულებით ბევრია საკეთებელი, რადგან თანასწორობა ხშირად არასწორად ესმით და ქალების დიდ ნაწილს  ჰგონია, რომ ის უსამართლობა, რაც მათ ოჯახებში ხდება, ბუნებრივია და ასე უნდა იყოს.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

წყალტუბოს ახალგაზრდულ ცენტრში მორიგი დებატები გაიმართა. `

მონაწილეებმა ისაუბრეს ოჯახურ კონფლიქტზე, რომელიც ხშირად ძალადობით მთავრდება. მონაწილეთა უმრავლესობა ბიჭი იყო. მათი აზრით, მსგავსი დებატების შემდეგ  პოზიტიური ცნობიერება ყალიბდება ახალგაზრდებში, რაც იმას ნიშნავს, რომ ოჯახური ძალადობისთვის ნაკლები რისკი არსებობს.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

- ჩვენ არ ვეთანხმებით იმ მოსაზრებას, რომ  კომპიუტერი ცუდია და მასთან არ უნდა ვიმეგობროთ. მაგრამ მზად ვართ გავაცნობიეროთ ამ  ურთიერთობის ნეგატიური შედეგები, - მრავალთა შორის ასეთი კომენტარიც დაფიქსირდა ქუთაისში გამართულ დებატ-კლუბზე, რომლის მონაწილეები დაინტერესდნენ საკითხით - წიგნიერების დაბალი დონე რამდენად არის კავშირში კომპიუტერის მოხმარებასთან.

ახალგაზრდების აზრით, მოზარდებში აგრესიის ხარისხის გაზრდა ხშირად იმ კომპიუტერული თამაშების ანარეკლია, რომლითაც ისინი  ერთობიან.

დებატების მონაწილეებმა დააფიქსირეს, რომ საჭიროა ბალანსის დაცვა, რომ კომპიუტერთან ურთიერთობა არ ნიშნავს წიგნის იგნორირებას და პირიქით. 

შეხვედრამ გარკვეული შედეგი უკვე გამოიღო, მისი დასრულების შემდეგ ახალგაზრდებმა განაცხადეს, რომ უფრო აქტიურად წაიკითხავენ სხვადასხვა ჟანრის ლიტერატურას.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

ქუთაისის ახალგაზრდულ ცენტრში მორიგი დებატი გაიმართა თემაზე: „არაძალადობრივი კულტურის დანერგვა ახალგაზრდებში".

მონაწილეებმა განიხილეს კონფლიქტებისა და ძალადობის გამომწვევი მიზეზები. წამყვანმა დაასახელა ციფრები, რომლებში ნათლად ჩანს, რომ სტატისტიკურად ახალგაზრდებში აგრესიისა და ძალადობის მაჩვენებელმა იმატა. ამის მიზეზებია -  დაბალი სოციალური ფონი, გლობალიზაციის ნეგატიური გავლენა, ოჯახური კონფლიქტები და ქვეყანაში არსებული არასტაბილური პოლიტიკა...

ახალგაზრდების აზრით, მსგავსი შეხვედრები ხელს უწყობს ახალგაზრდებში ტოლერანტობის გაძლიერებას და არაძალადობრივი კულტურის დანერგვას.

დებატებს ესწრებოდგნენ ორგანიზაცია Kvinna till Kvinna-ს წარმომადგენლები სარა ლაგინდერი და თინათინ ჯაფარიძე.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

- ვინ როგორ იცნობს საქართველოს წარსულს. რამდენად იციან კულტურული ძეგლების ისტორია და მნიშვნელობა, - სენაკის დებატ-კლუბმა ეს საკითხი მიიჩნია აქტუალურად და თემის ირგვლივ დისკუსია გამართა.

მონაწილეები სრულიად იზიარებდნენ იმ აზრს, რომ აუცილებელია ისტორიული ძეგლების დაცვა, ვინაიდან ეს ძეგლები საუკუნეებს ითვლიან და  მათში ასახულია უძველესი ქართული კულტურა.

„ყველა ქართველი ვალდებულია, იცნობდეს საკუთარ ისტორიულ მემკვიდრეობას, გაუფრთხილდეს და მომავალ თაობას შემოუნახოს,"  - აღინიშნა დისკუსიისას.

ითქვა, რომ საქართველოს ყველა მხარე მდიდარია ისტორიულ-კულტურული ძეგლებით და ახალგაზრდობამ წარსულის პატივისცემა საკუთარი კუთხის ისტორიის შესწავლით უნდა დაიწყოს.

შეხვედრაზე ნათქვამი მალე რეალობად აქციეს - დებატების დასრულების შემდეგ ახალგაზრდები სენაკის მხარეთმცოდნეობის მუზეუმს ესტუმრნენ.

გადაწყდა, მომდევნო თვეებში სხვა კულტურული  ძეგლები მოინახულონ და უფრო მეტი გაიგონ მათ შესახებ.  

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)