„ქალთა ხმის" მეხუთე ნომრის მთავარი თემა ისევ ქალთა მხარდაჭერის ცენტრების მუშაობა და მათი აქტიური როლის განსაზღვრაა ქალების ცხოვრებაში.
ცალკეული სტატიები ეძღვნება ფოთის, ხონისა დასენაკის ქალთა მხარდაჭერის ცენტრებს. ამ ცენტრებს ახალი მობილიზატორები ჰყავთ - ფონდი „სოხუმის" ლიდერთა სკოლის კურსდამთავრებულები. ახალგაზრდული ენერგიაუკვე იგრძნობა ცენტრების მუშაობაში და დღითიდღე მეტი ცვლილებაა მოსალოდნელი.
მკითხველი ინტერესით გაეცნობა სხვა სტატიებსაც: „ფორუმ -თეატრის „კამანდა", „როცა დედა კარგი მეგობარია", მოზარდი თაობა და ინტერნეტსივრცე".
ამომრჩეველ ქალთა ლიგის საქმიანობა, სატელევიზიო სივრცის გამოყენება ქალთა
აქტივობის პროპაგანდისათვის და ამომრჩეველ ქალთა რვა კლუბის წარმომადგენელ ქალთა
რვა დასამახსოვრებელი პორტრეტი.
რვა ქალბატონი, რომელიც, ძირითადი სამსახურის პარალელურად, აქტიურადაა ჩართული
ამომრჩეველ ქალთა ლიგის მუშაობაში და ცდილობს რეგიონში არსებული პრობლემების
მოგვარებას.
ყოველი მათგანი გამოცდილებას იძენს, თავადაც იცვლება და ამასთანავე აქტიური მონაწილეა
იმ ცვლილებებისა, რომელიც კლუბის სახელითა და ხელშეწყობით ხდება ქუთაისში,
წყალტუბოში, ხონში, ხობში, ზუგდიდში, ფოთში, ოზურგეთსა და ბათუმში.
ნომრის თემაც სწორედ ესაა - ქალები, რომლებიც ხელს უწყობენ ცვლილებებს.
პროექტი ხორციელდება დემოკრატიის
ნაციონალური ფონდის(ვაშინგტონი) მიერ (NED)
რას აძლევს ფონდი „სოხუმი" ქალებსა და გოგონებს? რაში
ეხმარება მათ შეხვედრები ფსიქოლოგთან და იურისტთან? რა კორექტივები შეაქვთ ქალებს თავიანთ ყოველდღიურობაში? როგორ
იცვლება მათი ცხოვრება?
ამ შეკითხვებზე
პასუხის გაცემას ცდილობს „ქალთა ხმის" მესამე ნომერი.
ფონდი „სოხუმის" აქტიური მუშაობა ოჯახში ძალადობის
პრევენციისათვის, თანამშრომლობის გაფართოება ადგილობრივ თვითმმართველობასთან,
წარმატებულ ქალთა პორტრეტები...
ასეთია ჟურნალი, რომელიც რუსულ ქართულ და ინგლისურ
ენებზე დაიბეჭდა და ქალთა მხარდაჭერის ცენტრებისაკენ მიემართება... რათა ქალებს
პრობლემების დაძლევის გზები აპოვინოს,
მომავლის იმედი ჩაუსახოს, გაძლიერების სტიმული მისცეს...
უფრო კონკრეტულად თუ გაინტერესებთ - გადაფურცლეთ ჟურნალი „ქალთა
ხმის" ელექტრონული ვერსიები ქართულ, რუსულ და ინგლისურ ენებზე...
ზუგდიდში, დევნილთა ერთ-ერთ კომპაქტურ ჩასახლებაში წყლის მიწოდება მოწესრიგდა.
ბათუმში თავმოხდილი ჭები დაიხურა და პრობლემა მოგვარდა.
წყალტუბოში 8 დევნილისათვის საკრებულომ ფულადი დახმარება გამოყო.
ოზურგეთში ერთ-ერთ ქუჩაზე ბუნებრივი აირის დამონტაჟება დაიწყო.
ფოთში დევნილთა უსაფრთხო ცხოვრებისათვის საჭირო საკითხები გვარდება.
ხონში სოციალურად დაუცველები გათავისუფლდნენ წყლისა და ნაგვის მოსაკრებლისაგან.
ქუთაისში წყალმომარაგების საკითხი შეისწავლეს.
ხობის მუნიციპალიტეტის ერთ-ერთ სოფელში ხიდ-ბოგირები გაკეთდა.
ყოველივე ამაში ამომრჩეველ ქალთა კლუბების წვლილიცაა. პრობლემების მოგვარებასხელი შეუწყო ადვოკატირების ჯგუფების თანამშრომლობამ ადგილობრივ თვითმმართველობასთან.
აქტიური ქალები, გააქტიურებული კლუბები და მათი აქტიურობის კონკრეტული შედეგები- სწორედ ამაზეა მოთხრობილიჟურნალ „ქალთა ხმის" მეორე ნომერში.
ჟურნალ „ქალთა ხმის" მეორე ნომერი განსაკუთრებულ ყურადღებას ამახვილებს ქალთა მხარდაჭერის ცენტრებზე, რადგანაც ფონდი „სოხუმის" მუშაობა ამ რეგიონალურ სტრუქტურებშია გაშლილი.
ნომერში მოთხრობილია ტრენინგზე, რომელიც ჩატარდა ექვსივე ცენტრის მობილიზატორებისთვის. საინტერესოა სტატიები ხონის ქალთა მხარდაჭერის ცენტრის მუშაობაზე, ფსიქოლოგის კონსულტაციებზე სენაკის ცენტრში, საინფორმაციო შეხვედრებზე ქუთაისის ცენტრში.
განსაკუთრებით შთამბეჭდავია ინტერვიუ ხურჩის ქალთა მხარდაჭერის ცენტრის მობილიზატორ ნანა ქანთარიასთან. სტატიაში კარგად ჩანს ნანას ძლიერი, გაუტეხელი ბუნება, მისი შემართება ცხოვრებისეული პრობლემებისწინააღმდეგ... (ინტერვიუს წაკითხვა აქვე შეგიძლიათ).
ჟურნალის გაცნობა ბევრ რამეს მისცემს მკითხველს: შეხვედრებზე დასწრებისა და პრობლემების მოგვარების სურვილს, საკუთარი უფლებების განმტკიცების რწმენას და, რა თქმა უნდა, უკეთესი მომავლის იმედს...
ჟურნალი „ქალთა ხმა" შეცვლილი სახით გამოვიდა: ახალია დიზაინი, გაზრდილია გვერდების რაოდენობა. გაფართოვდა მკითხველთა აუდიტორია, რადგან ჟურნალის ქართულ და რუსულ ვერსიას ინგლისურიც დაემატა.
ჟურნალისსტატიებშიგაანალიზებულია ფონდის მუშაობა, წარმოდგენილია მთავარი შედეგები და ის ცვლილებები, რომელთაც ახდენს ფონდის მუშაობა ქალებზე.
