...

როზა ლუქსემბურგის ფონდის ფილიალი რუსეთის ფედერაციაში რეგიონული საზოგადოებრივი ორგანიზაცია კავშირი „დონის ქალები" (რუსეთი) კულტურულ-ჰუმანიტარული ფონდი „სოხუმი" (საქართველო)   პრეს-რელიზი რუსეთისა და საქართველოს რუსული ენის მასწავლებლების დიალოგი 2011 წლის 7-9 სექტემბერი   2011 წლის 7-დან 9 სექტემბრამდე ქობულეთში (საქართველო) რუსეთისა და საქართველოს რუსული ენის მასწავლებლებისათვის ჩატარდება სემინარი "შერიგების სასკოლო სამსახურები". ღონისძიება იმართება პროექტის „ცხოვრება მშვიდობით - მშვიდობიან გარემოში" ფარგლებში, რომელიც მიმართულია ურთიერთთანხმობის დაბრუნებისა და პოსტკონფლიქტური შერიგებისაკენ მრავალმხრივი დიალოგის ინიცირებით რუსეთისა და საქართველოს  წარმომადგენლებს შორის. პროექტი ხორციელდება ორი საზოგადოებრივი ორგანიზაციის პარტნიორობით: რეგიონული საზოგადოებრივი ორგანიზაცია - კავშირი „დონის ქალები" (რუსეთი) და არასამთავრობო ორგანიზაცია - კულტურულ-ჰუმანიტარული ფონდი „სოხუმი" (საქართველო). პროექტი არის ლოგიკური გაგრძელება  საქართველოსა და რუსეთის მშვიდობისმყოფელ ქალთა ალიანსის მონაწილეთა დიალოგისა, რომელიც დაიწყო თბილისში 2009 წლის დეკემბერში. მიზანი სემინარისა, რომელიც უკვე მეორეა ჩაფიქრებული ციკლიდან - არის რუსული ენის მასწავლებლების ცოდნის არეალის გაფართოება აღდგენითი სამართლის  - კონფლიქტური სიტუაციების მოგვარების ახალი ხერხის - პრინციპებისა და ტექნოლოგიების დარგში. სემინარის მონაწილენი იმსჯელებენ რუსული ენის როლზე მოზარდი თაობის სწავლასა და აღზრდაში, გაეცნობიან აღდგენითი მედიაციის პრინციპებსა და ღირებულებებს, წარმოდგენა შეექმნებათ შერიგების სასკოლო სამსახურზე. სემინარს ჩაატარებს რუსტემ მაკსუდოვი, პრეზიდენტი საზოგადოებრივი ცენტრისა „სასამართლო-სამართლებრივი რეფორმა"  (ქ. მოსკოვი). სემინარის ჩატარების ადგილი: საქართველო, ქობულეთი, სასტუმრო „მწვანე სახლი", თამარ მეფის №8 დამატებითი ინფორმაცია სემინარისა და პროექტის შესახებ შეიძლება მიიღოთ  ალლა გამახარიასთან (პროექტის კოორდინატორი საქართველოში)  - 8 431 27 29 02 , მობ. 995 99 54 31 61, ელექტრონული ფოსტა woman@fundsokhumi. www.fundsokhumi.ge. www.facebook.com/fundsokhumi

რუსეთისა და საქართველოს რუსული ენის მასწავლებლების დიალოგი   2011 წლის 2-დან 7 ივლისამდე ერევანში (სომხეთის რესპუბლიკა) ჩატარდება სარეაბილიტაციო-საგანმანათლებლო სემინარი რუსეთისა და საქართველოს რუსული ენის მასწავლებლებისათვის. ღონისძიება იმართება პროექტის „ცხოვრება სამყაროში - ცხოვრება მშვიდობიანად" ფარგლებში, რომელიც მიმართულია ურთიერთთანხმობის დაბრუნებისა და პოსტკონფლიქტური შერიგებისაკენ მრავალმხრივი დიალოგის ინიცირებით რუსეთისა და საქართველოს  წარმომადგენლებს შორის. პროექტი ხორციელდება ორი საზოგადოებრივი ორგანიზაციის პარტნიორობით: რეგიონული საზოგადოებრივი ორგანიზაცია - კავშირი „დონის ქალები" (რუსეთი) და არასამთავრობო ორგანიზაცია - კულტურულ-ჰუმანიტარული ფონდი „სოხუმი" (საქართველო). პროექტი არის ლოგიკური გაგრძელება  საქართველოსა და რუსეთის მშვიდობისმყოფელ ქალთა ალიანსის მონაწილეთა დიალოგისა, რომელიც დაიწყო თბილისში 2009 წლის დეკემბერში. სემინარში მონაწილეობს 12 ქალი თითოეული ქვეყნიდან. პროექტში მონაწილეობის უფლება მათ მოიპოვეს რუსული ენისა და ლიტერატურის მასწავლებლებს შორის გამართული სპეციალური კონკურსის შედეგად, რომელიც ერთდროულად ჩატარდა რუსეთსა და საქართველოში. პროექტის მიმდინარეობისას პედაგოგები შეიძენენ ახალ უნარ-ჩვევებს სემინარ-ტრენინგის ციკლში, მონაწილეობას მიიღებენ მრავალწახნაგოვან დიალოგში ახალი ტექნოლოგიების შესახებ ჩვენს შემდგომი თაობის აღზრდაში მშვიდობისა და არაძალადობრივი კულტურის სულისკვეთებით, შეძლებენ, შეიმუშავონ პარტნიორული პროქტები მოსწავლეებში ტოლერანტული მსოფლმხედველობის ფორმირებისათვის. ერევნის სემინარის (ჩაფიქრებული ციკლის პირველი სემინარის) მიზანია, ფსიქოლოგიური დახმარება გაუწიოს მონაწილეებს, რაც მიმართულია პროფესიული „გადაწვის" პროფილაქტიკისაკენ, პიროვნული რესურსების გაძლიერებისაკენ, ურთიერთნდობის გარემოს შექმნისა და გუნდის განმტკიცებისაკენ. სემინარის წამყვანები იქნებიან ფსიქოლოგები რუსეთის სამხრეთ ფედერალური  ოლქიდან, რომელთაც გავლილი აქვთ სპეციალური მომზადება პოსტტრავმული სტრესული დარღვევების მქონე ადამიანების ფსიქოლოგიური დახმარების გასაწევად.   სემინარის ჩატარების ადგილი                                                     "Armenian Royal Palace", სომხეთის რესპუბლიკა, ქ. ერევანი, სილიკიანის რაიონი მე-4 ქუჩა, სახლი 17/1 ტელ.: +374 10 319 119, 319484 ფაქსი: +374 10 380338   დამატებითი ინფორმაცია სემინარისა და პროექტის შესახებ შეიძლება მიიღოთ ფონდ „სოხუმში" - 8 431 27 29 02 (საკონტაქტო პირი - ლალი შენგელია)

საერთაშორისო კამპანია „გლობალური კვირა შეირაღებული ძალადობის წინააღმდეგ"   13 ივ­ნისს, 12 სა­ათ­ზე, ფონ­დი „სოხუმის" ოფის­ში (მგა­ლობლიშ­ვი­ლის №6) იმარ­თება პრესბრი­ფინ­გი, რო­მე­ლიც ადა­მი­ა­ნუ­რი უსაფრთხოების სა­კითხს ეძღვნება.    ქსე­ლი IANSA–ს ორ­გა­ნი­ზებით 2011 წლის 13-19 ივ­ნისს, მთელ მსოფ­ლი­ო­ში ტარ­დება სა­ერ­თა­შო­რი­სო კამ­პა­ნია, რო­მე­ლიც ცდი­ლობს, მი­აპ­ყროს კა­ცობრიობის ყუ­რად­ღება უკონ­ტრო­ლო შე­ი­ა­რა­ღების საფრთხეს.   მას­ში, სად­ღე­ი­სოდ,  ჩარ­თუ­ლია 60-ზე მეტი ქვეყ­ნის აქტივისტი. კამ­პა­ნია მიმ­დი­ნა­რეობს სა­ზო­გა­დოებრი­ვი ორ­გა­ნი­ზა­ციების, უბრა­ლო ადა­მი­ა­ნების სო­ლი­და­რობის ფონ­ზე, რო­მელ­თაც აერ­თი­ა­ნებთ ფიქრი ადა­მი­ა­ნუ­რი უსაფრთხოების სა­კითხებზე. კამ­პა­ნი­ას გან­სა­კუთ­რებულ ჟღე­რა­დობას ანი­ჭებს გენ­დე­რუ­ლი თე­მა­ტი­კის მნიშ­ვნე­ლობის გა­აზ­რება, რად­გან  შე­ი­ა­რა­ღებული კონ­ფლიქ­ტების დროს ყვე­ლა­ზე და­უც­ვე­ლი  სწო­რედ ქა­ლია.   ქალთა არასამთავრობო ორგანიზაცია - ფონ­დი „სოხუმი" 2011 წლი­დან შე­უ­ერ­თდა IANSA–ს ქსელს. ჩვენ კარ­გა­დ გვაქვს გაც­ნობიე­რებული, რა ტკი­ვი­ლი მო­აქვს უკონ­ტრო­ლო ია­რაღს, შე­ი­ა­რა­ღებულ ძალა­დობას, გან­სა­კუთ­რებით ქა­ლებისა და ბავ­შვებისათვის. ჩვე­ნი სა­ზო­გა­დოება, ათე­უ­ლი წე­ლია, ცხოვ­რობს ორი მოუგვარებე­ლი კონ­ფლიქ­ტის პი­რობებში. კონ­ფლიქ­ტის ზო­ნა­ში და მის მიმ­დებარე ტე­რი­ტო­რი­ა­ზე დღე­საც გრძელ­დება შე­ი­ა­რა­ღებული ძალა­დობა მშვი­დობიან მო­სახლეობაზე. კონ­ფლიქ­ტის ზო­ნა­ში მცხოვრებმა ქალ­მა თქვა ნი­შან­დობლი­ვი რამ: „ღამის ცალ­კე­უ­ლი სრო­ლები სრუ­ლებითაც არ გვიფრთხობს ძილს. ფო­რი­ა­ქი გვეწ­ყება მა­შინ, რო­ცა სი­ჩუ­მე ისად­გუ­რებს. მა­შინ იწ­ყება შიშ­ნა­რე­ვი მო­ლო­დი­ნი იმი­სა, რომ რა­ღაც უნ­და მოხდეს!"   კამპანიის დღეებში, მიმდინარე ღონისძიებების პარალელურად, ფონდი „სოხუმი" ჩაატარებს საინფორმაციო შეხვედრებს ქუთაისში, წყალტუბოში, ხონში, სენაკში, ფოთში, ოზურგეთსა და კონფლიქტისპირა სოფელ ხურჩაში. კამპანიის ბოლო დღეს, 19 ივნისს, რადიო „ძველი ქალაქის" ეთერში გავა ფონდი „სოხუმის" მომზადებული რადიოგადაცემა.   ჩვენ ვი­ზი­ა­რებთ კამ­პა­ნი­ის სუ­ლის­კვე­თებას და მსოფ­ლი­ოს კე­თი­ლი ნების ადა­მი­ა­ნების მხარ­დამხარ, ჩვენს მრა­ვალ­რიცხოვან ბენე­ფი­ცი­ა­რთან ერ­თად ვუ­ერ­თდებით მას, რათა    გა­მოვხატოთ შე­უ­რი­გებელი და­მო­კი­დებულება ძალა­დობის მიმართ,      გავაც­ნობიე­როთ გლობალურ პრო­ცე­სებში მო­ნა­წი­ლეობის მნიშ­ვნე­ლობა,                   გა­მოვხატოთ სო­ლი­და­რობა ძალადობის მსხვერ­პლთა და მათი ოჯახის წევრების  მი­მართ!!!

მულტიკულტურული დიალოგის და ურთიერთობის კომისია მოუწოდებს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს:

·  განსაკუთრებული ყურადღება მიაქციოს მონიტორინგის ჩატარებას, რათა გამოსახლების პროცედურა შეესაბამებოდეს შეთანხმებულ დოკუმენტს და გამოსახლების პროცესის დროს არ დაირღვას ადამიანთა უფლებები;

·  იზრუნოს, რომ არც ერთი ოჯახი არ დარჩეს თავშესაფრის გარეშე;

·  დაეხმაროს გამოსახლებულ დევნილებს შემდგომ ადაპტაციაში ახალ საცხოვრებელ ადგილებზე

·  დაეხმაროს გამოსახლებულ დევნილების ადეკვატური საცხოვრებელი პირობების შექმნაში

·  დაეხმაროს რეგიონებში დასაქმების პროექტების განვითარებას

·  იშუამდგომლოს სოფლად მცხოვრები დევნილებისათვის სასოფლო-სამეურნეო მიწების  გამოყოფაზე.