|
29-31 ოქტომბერს ბათუმში ლიდერთა სკოლის მორიგი ტრენინგი გაიმართა. პირველი დღე საშინაო დავალების განხილვას მიეძღვნა. როგორ ჩატარდა ვორკშოპები, რა პრობლემებს წააწყდნენ, რა გამოიკვეთა, რას მიაღწიეს - ამ შეკითხვების ირგვლივ გოგონებმა გულახდილად ისაუბრეს.
კომუნიკაციის სახეები, კამპანიის დაგეგმვა, შიდა და გარე სტრატეგიები, ლიდერი ქალის პროფესიული იმიჯი, საქმიანი წერილები, სატელეფონო ზარები, მრგვალი მაგიდის დაგეგმვა - ტრენინგის თემატიკა მონაწილეებისთვის ახალი იყო, რამაც განაპირობა მისი საინტერესოდ წარმართვა.
- მოვისმინეთ ახალი თემები. გავეცანით კამპანიის დაგეგმვის მეთოდებს. რომელიც შემდეგ პრაქტიკულად განვახორციელეთ, ყველა ჯგუფს საინტერესო იდეა ჰქონდა.
- ბევრი რამ წამიკითხავს ლიდერი ქალის იმიჯზე, მაგრამ ის, რაც ტრენინგზე მოვისმინე ბევრად მნიშვნელოვანი იყო. რამდენი რამე არ გვცოდნია.
- ჩემთვის საინტერესო იყო იმ მეთოდოლოგიის გაცნობა, რომელიც მრგვალი მაგიდის ჩატარებას ეხებოდა, რადგან ტრენინგის შემდეგ ჩვენი საშინაო დავალება სწორედ მრგვალი მაგიდის ჩატარებას გულისხმობს.
ტრენინგზე ყველა მონაწილეს ჰქონდა დისკუსიაში ჩართვის, საკუთარი აზრის გამოთქმის საშუალება.
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით. | 
