|
27-დან 1 ოქტომბრამდე თურქეთში, ქალაქ სტამბულში, KVINA TILL KVINA-ს მხარდაჭერით გაიმართა ქსელური შეხვედრა „საზღვრებსშორისი დიალოგი". მასში მონაწილეობდნენ სამხრეთ კავკასიის ქალთა არასამთავრობო ორგანიზაციის წარმომადგენლები.
ფონდი „სოხუმიდან" ალლა გამახარია - თავმჯდომარე, მერი გელაშვილი - თანათავმჯდომარე, ხათუნა გოგუა - პროექტის ასისტენტი.
ქსელურ შეხვედრაში პირველად მონაწილეობდნენ რუსეთის წარმომადგენლები, არასამთავრობო ორგანიზაცია - „კავშირი დონის ქალები".
ხუთდღიანი ტრენინგი საინტერესო თემატიკით იყო დატვირთული: ნაციონალიზმი მშვიდობისა და დემოკრატიის განხრით. ქალი და ძალადობა, საფრთხე და უსაფრთხოება,
ტრენინგზე მოწვეული იყო „შაოსანი ქალების " წარმომადგენელი ალექსანდრა კოვაჩევი, რომელმაც ამ ორგანიზაციის საქმიანობაზე, გამოცდილებაზე საინტერესო ლექცია ჩაატარა.
- რა საფრთხეს გრძნობენ ქალები, რომლებიც ადამიანის უფლებების დაცვაზე მუშაობენ - KVINA TILL KVINA -ს წარმომადგენელი ევა ზილენი ჯგუფური მუშაობით შეეცადა ამ საკითხებზე პასუხების მიღებას.
ტრენინგს ფასილიტატორობას უწევდა ლიზ ფილიპსონი (ლონდონის პოლიტიკისა და ეკონომიკურ მეცნიერებათა სკოლა).
ტრენინგის პროგრამა სამუშაო ვიზიტსაც ითვალისწინებდა. ტრენინგის მონაწილეები ეწვივნენ არასამთავრობო ორგანიზაცია „ხრანტ დინკის ფონდს". ვიზიტისას გაირკვა, რომ ხრანკ დინკი, რომლის სახელსაც ორგანიზაცია ატარებს, იყო ჟურნალისტი, რომელიც უმცირესობების უფლებებზე მუშაობდა. ეს ფონდი სწორედ მისი სიკვდილის შემდეგ შეიქმნა და მუშაობს მშვიდობისა და დემოკრატიისათვის.
ტრენინგის დასასრულს, მონაწილეებმა სამომავლო გეგმები შეიმუშავეს.
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით. | 