შეხვედრის ადგილი - სასტუმრო „მთის ბროლის“ კოლექტიური ცენტრი
შეხვედრის თემა - ოჯახში ძალადობა
გარდა აღნიშნული თემისა, ფონდი „სოხუმის“ იურისტთან შეხვედრისას მონაწილეებმა ყურადღება გაამახვილეს მათთვის მნიშვნელოვან საკითხებზე - განსახლება, უმუშევრობა, სოციალური პრობლემები.
გაიცა ინდივიდუალური კონსულტაციები ქონებრივ საკითხებთან დაკავშირებით (ქონების შეძენა, რეგისტრაცია, გაფორმება).
პროექტიხორციელდებაორგანიზაციაBrot für die Welt – Evangelischer
კოლექტიურ ცენტრ „მთის ბროლში“ ფსიქოლოგთან კონსულტაციაზე 10 ქალბატონი შეიკრიბა. ისინი დააინტერესა საუბრის თემამ „ამინდი ოჯახში“.
თუ მამაკაცების სამი მთავარი ამოცანაა - სახლის აშენება, ხის დარგვა და ვაჟიშვილის გაზრდა, ქალის ნაზ მხრებზე მეტი ტვირთია - ოჯახში კომფორტის შექმნა.
ფსიქოლოგები მიიჩნევენ, რომ ოჯახის აურა ქალის ხასიათივითაა. არის 5 რამ, რაც აწონასწორებს მას და ინარჩუნებს საოჯახო კლიმატს: შეკავშირება, ემოციური კმაყოფილების გრძნობა, ნდობა, პირადი სივრცე და ქალური საწყისი.
თქვენ როგორი ურთიერთობების დანახვა გსურთ?
პროექტიხორციელდებაორგანიზაციაBrot für die Welt – Evangelischer
2, 3 და 11 აპრილს წყალტუბოს, ხონისა და ფოთის ქალთა მხარდაჭერის ცენტრებში ჩატარდა ფსიქოლოგ თათა კალანდაძის კონსულტაცია.
39 ქალბატონთან გამართული შეხვედრები ითვალისწინებდა ფსიქოლოგიურ ტესტირებას - რამდენად კარგად იცნობენ დედები საკუთარ შვილებს.
ტესტირების მიზანია მშობლებისა და შვილების ურთიერთობების სწორი ფორმირება და კონსტრუქცია, პრობლემურ ურთიერთობათა ანალიზი და კორექცია.
თემა და ტესტირებაც ქალებისათვის საინტერესო და აქტუალური აღმოჩნდა. 39 ქალბატონიდან 23 არის მშობელი და მათ შორის 35-40% ნაკლებად იცნობს საკუთარ შვილს, არ იცის, რა უნდა მას, რას განიცდის, რით არის დაინტერესებული, რა პრობლემები აქვს პირად თუ მიკროსოციუმში, არ იცის, რა ანიჭებს სიამოვნებას, ან რა არის შვილისათვის მიუღებელი.
ტესტირების ჩატარებისა და შედეგების ანალიზის შემდეგ წარიმართა მსჯელობა რეალურ პრობლემაზე, ქალბატონებმა მიიღეს რჩევები შვილებთან მეტად დაახლოებისათვის.
პროექტიხორციელდებაორგანიზაციაBrot für die Welt – Evangelischer
ქუთაისის ქალთა მხარდაჭერის ცენტრში გაიმართა შეხვედრა იურისტთან, რომელსაც ესწრებოდა 10 ქალბატონი.
შეხვედრაზე გაიცა ინდივიდუალური კონსულტაციები სხვადასხვა საკითხებზე (ალიმენტი და მისი ოდენობის განსაზღვრის წესი, ორმაგი მოქალაქეობის მინიჭება, საბანკო ურთიერთობები, არასრულწლოვანისთვის საქართველოს პასპორტის მიღება).
კონსულტაცია შეხვედრის მონაწილეებს გაუადვილებს პრობლემების მოგვარებას.
პროექტიხორციელდებაორგანიზაციაBrot für die Welt – Evangelischer
მარტში ქუთაისში ჩატარდა 8 ჯგუფური შეხვედრა ფსიქოლოგთან, ორიც ინდივიდუალური (პრობლემა - როგორ დავიცვათ თავი მოძალადისგან). შეხვედრებს ესწრებოდა 75 ქალი 19-დან 58 წლამდე.
სამი ჯგუფური შეხვედრა და კონსულტაციები გაიმართა სენაკის, ქუთაისისა და ხურჩის (ზუგდიდის რაიონი) ქალთა მხარდაჭერის ცენტრებში, სადაც მონაწილეობა მიიღო 28-60 წლის ასაკის 34 ქალმა.
საუბრის თემა - ვინ ქმნის ამინდს ოჯახში - მამაკაცი თუ ქალი? როგორ იქმნება კერა?
პასუხი ყველამ იცის - სწორედ ქალი ქმნის განწყობას, რომელთანაც მამაკაცი სიამოვნებით მუშაობს ოჯახის საკეთილდღეოდ. მაგრამ ყოველთვის არ ხდება ისე, როგორც ვამბობთ.
ქალები მამაკაცებზე ემოციურები არიან, ეს თავისებურება გასათვალისწინებელია...
პარტნიორის მოსმენისა და გაგონების ნიჭი, ნიჭი თანაუგრძნო და დაუთმო და უბრალოდ გიყვარდეს - ეს არის ბედნიერების საწინდარი.
მარტის მეორე ნახევარში ჩატარდა 4 ჯგუფური შეხვედრა ფსიქოლოგთან ქუთაისის დევნილთა კოლექტიურ ცენტრებში (მონაწილეობდა 21-დან 58 წლამდე ასაკის 43 ქალი).
შეხვედრის თემა იყო - ურთიერთობები ოჯახში.
სვეტა, 38 წლის: - ოჯახში ნდობის მაღალი ხარისხი უნდა იყოს და პასუხისმგებლობა ერთმანეთის მიმართ.
მარინა, 37 წლის: - დღეს ყველა ადამიანი თავისთვისაა, „თავის ტალღას“ იჭერს. თუ კარგი „პატრონი“ არ არის, ანარქია იქმნება. ბოლოსდაბოლოს ოჯახი არსებობას შეწყვეტს.
პროექტიხორციელდებაორგანიზაციაBrot für die Welt – Evangelischer
11, 13 და 21 მარტს წყალტუბოს, ხონისა და ფოთის ქალთა მხარდაჭერის ცენტრებში ჩატარდა ფსიქოლოგის კონსულტაცია.
შეხვედრების მონაწილე 36 ქალბატონმა იმუშავა ტესტებზე თვითშეფასების ხარისხის გამოსავლენად, რაც მიესადაგებოდა თემებს: „დაბალი თვითშეფასება, არასრულფასოვნების კომპლექსი, როგორც კონფლიქტების გამომწვევი ერთ-ერთი მიზეზი“ და „დაბალი თვითშეფასება და ეჭვიანობის სინდრომი - ოჯახური კონფლიქტების ჭრილში“.
თემა და ტესტირებაც ქალებისთვის საინტერესო და აქტუალური აღმოჩნდა. ბევრმა გააანალიზა საკუთარი ტესტის არასახარბიელო შედეგები და ასევე ის რისკ ფაქტორები, რომლებიც შეიძლება გამოწვეულ იქნას ქალთა დაბალი თვითშეფასების შედეგად. გაჩნდა უამრავი კითხვა. ქალებმა მიიღეს რჩევები ფსიქოლოგის მხრიდა. ამ რჩევების გამოყენების შემდეგ ბევრი მათგანი აიცილებს თავიდან მოსალოდნელ კონფლიქტებსა თუ პრობლემებს პირად და ოჯახურ ურთიერთობებში.
პროექტიხორციელდებაორგანიზაციაBrot für die Welt – Evangelischer
