|
ინფორმაციების, გამოცდილებისა და აზრთა გაზიარების თვალსაზრისით ჩატარებული გასვლითი შეხვედრები ძალზე მნიშვნელოვანი და სასარგებლოა - აღინიშნა წყალტუბოში ჩატარებულ ამომრჩეველ ქალთა კლუბის შეხვედრაზე. შეხვედრას დაესწრნენ ოზურგეთის, ქუთაისის, ხონის ქალთა კლუბის წევრები.
შეხვედრის დაწყებამდე სტუმრებმა წყალტუბოს ბალნეოლოგიური ცენტრი დაათვალიერეს...
სტალინის მე-6 წყარო ესტუმრნენ...
- კმაყოფილი ვარ დღევანდელი დღით, ემოციებს ვერ ვფარავ, ერთმანეთს ჩვენი პრობლემების, მიღწევების შესახებ მოვუყევით. ინტერესით მოვისმინეთ როგორ მუშაობენ ამომრჩეველ ქალთა კლუბები სხვა ქალაქებში - შუშანა მირცხულავა(ხონი).
- შთამბეჭდავი დღე იყო. გავეცანით წყალტუბოს ამომრჩეველ ქალთა კლუბის მუშაობას, გამოცდილებას, გავაცანით ჩვენი საქმიანობაც. მოვინახულეთ სტალინის მე-6 წყარო, რომელიც ვფიქრობ ჩვენი ქვეყნის დიდი რესურსია, მიმაჩნია რომ ამ კურორტს აღდგენა და მეტი ყურადღება სჭირდება - ნატო თოდუა ( ქუთაისი).
- შთაბეჭდილებებით სავსე ვბრუნდები ჩემს ქალაქში, მადლობა წყალტუბოს ქალთა კლუბს თბილი და საინტერესო დახვედრისათვის. - მარინა კიპაროიძე, ოზურგეთის ამომრჩეველ ქალთა კლუბის წევრი.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
| 
