...

სიმბოლური იყო, რომ ახალციხეში ქალთა მდუმარე აქცია დაიწყო თამარ მეფის ძეგლთან. მონაწილეებმა გააკრეს პლაკატები, დაარიგეს სააგიტაციო მასალები.

შემდეგ ქალები გაემართნენ ქალაქის ოთხი სხვადასხვა მიმართულებით. მათ შორის ნაწილი - უნივერსიტეტისაკენ, ნაწილი - ადმინისტრაციული ცენტრისაკენ.

აქციაზე იყვნენ ადგილობრივი ტელევიზიის წარმომადგენლები და, მათი თქმით, დღეს გავა სიუჟეტი აქციის შესახებ. 

ტელევიზიით ორი დღის წინათაც  გავიდა სიუჟეტი, რომელიც აქციის მომზადების პროცესს ასახავდა.

აქციას ესწრებოდა მოხალისე შვედი ქალი, რომელიც აქტიურად ჩაერთო პროცესში, ის გამვლელ მანქანებსაც კი  აჩერებდა და მგზავრებს სთავაზობდა საინფორმაციო ფურცლებს.

აქციები გაიმართა ადმინისტრაციულ ცენტრებში - ადიგენი, მინაძე და სხვილისი.

საქართველოს დედაქალაქში ორი აქცია მოეწყო. ერთი პარლამენტის წინ გაიმართა, მეორე კი - რუსთაველის ქუჩაზე.

ქალებს განსაკუთრებული მხარდაჭერა გამოუცხადეს ახალგაზრდებმა, რომელთაც დახმარების დიდი სურვილი გამოხატეს. აქციის გასაშუქებლად მოვიდნენ ცენტრალური ტელევიზიის წარმომადგენლები.

აქციები გაიმართა სხვა ქალაქებშიც:

გორში - გამგეობის წინ

მცხეთაში - გამგეობის წინ და მცხეთა-მთიანეთის საკრებულოს წინ

გურჯაანში - საკრებულოს წინ

ბათუმის ყოფილ საკრებულოში არცერთი ქალი არ იყო, ამჟამად რამდენიმე კანდიდატია, მათ შორის - ამომრჩეველ ქალთა კლუბის წევრები.

ამიტომაც ბათუმში აქციის ჩატარება ყველაზე აქტუალური იყო.

აქცია ყველაზე ხალხმრავალ ადგილას, ბულვარში გაიმართა.

გამვლელებმა დიდი დაინტერესება გამოიჩინეს. „თანასწორობა ქვეყნის სიძლიერეა" - უმეტესობა დაეთანხმა ამ სიტყვებს.

დარიგდა სააგიტაციო მასალა. გაზეთები და საინფორმაციო ფურცლები.

აქციას ესწრებოდნენ სხვადასხვა პოლიტიკური პარტიის წარმომადგენლები, სტუდენტები. იყვნენ მასმედიიდანაც - გაზეთი „აჭარა", აჭარის რადიო, „25-ე არხი".

50-მდე  ქალი შეიკრიბა  ხონის გამგეობის მიმდებარე ტერიტორიაზე. მათ შორის იყვნენ ფონდის "სოხუმის” ამომრჩეველ ქალთა კლუბის წევრები, პედაგოგები, მეწარმე ქალები და უფროსკლასელი გოგონები.   

 "თანასწორობა ქვეყნის სიძლიერე” - ამ სლოგანით ხელში, ქალბატონებმა მიიპყრეს ყურადღება გამვლელებისა, რომლებიც  დიდ ინტერესს გამოხატავდნენ აქციის მიმართ. მათთვის მსგავსი ღონისძიება ხონში იშვიათობაა. 

ინტერვიუებში ქალბატონებმა ამომწურავი პასუხები გასცეს ტელეკომპანია "მეგა-ტვ”-ს ჟურნალისტს, რომელიც  აქციას დასაწყისშივე შეუერთდა.

აქციაზე შეიკრიბნენ ამომრჩეველ ქალთა კლუბის წევრები, ახალგაზრდები, ზუგდიდის არასამთავრობო ორგანიზაციების წარმომადგენლები.

აქ იყვნენ რადიო „ათინათის", ჟურნალ „ზუგდიდელების", ტელეკომპანია „ოდიშის" ჟურნალისტები, რომლებიც თავიანთ მედიასაშუალებებში ასახავენ აქციის მიმდინარეობას.

აქციას აქტიურად გამოეხმაურა სამეგრელოს ქალთა ქსელი, რომელშიც 15 ქალთა ორგანიზაციაა გაერთიანებული. ამ ორგანიზაციებმა თავიანთი ინიციატივით ჩხოროწყუსა და წალენჯიხაში ჩაატარეს აქციები იგივე სლოგანით „თანასწორობა ქვეყნის სიძლიერეა!"

აქცია ქალაქის ცენტრალურ პარკში 11 საათზე დაიწყო.

თავდაპირველად მასში მონაწილეობა მიიღო 40-ზე მეტმა ქალმა.

- აქცია მასშტაბური გამოვიდა, -  გვატყობინებენ აქციის ორგანიზატორები. - შემოგვიერთდნენ გამვლელები, მოვიდნენ დაინტერესებული ადამიანები, განსაკუთრებით ბევრია ახალგაზრდობა. აქციაში მონაწილეობის მიღების სურვილი გამოხატეს ახალგაზრდა მამაკაცებმაც, რომელთაც მიაჩნიათ, რომ თანასწორობა  მართლაც ქვეყნის სიძლიერეა.