საკრებულოს სხდომათა დარბაზში ბათუმის
გენდერული საკონსულტაციო საბჭო პირველად შეიკრიბა. სხდომაზე კიდევ ერთხელ გაჟღერდა,
რა მიზნებს ისახავს პროექტი, განისაზღვრა საბჭოს საქმიანობის სტრატეგია, გაკეთდა სამუშაო
გეგმის მონახაზი.
შეკრებაზე არჩეული იქნა საბჭოს თავმჯდომარე
და მოადგილე. მოხდა შეთანხმება საბჭოს დებულების
ძირითად პრინციპებზე. როგორც მონაწილეებმა
აღნიშნეს, მათთვის მისაღებია საბჭოს მუშაობის საკონსულტაციო და კონსტრუქციული ხასიათი
და ორიენტირება სოციალური სამართლიანობის მხარდაჭერისკენ,
განსაკუთრებული საჭიროების მქონე (მათ შორის ქალთა) ჯგუფების მდგომარეობის შემსუბუქებისა
და ბიუჯეტში გენდერული მიმართულებების მაქსიმალური
გათვალისწინებისკენ.
ითქვა, რომ მნიშვნელოვანია ჯანდაცვის
და სოციალური პროექტების შექმნაში მონაწილეობა, იქნება ეს ახალი ინიციატივების წამოწევა თუ არსებული პროგრამების ხარვეზების გასწორება.
მთვარია, რესურსები სწორად განაწილდეს და საბჭოს წინაშე რეალური გეგმები იქნეს დასახული.
საკრებულოს წევრების აზრით, მხედველობაში
უნდა იქნეს მიღებული ისიც, რომ ბოლო მოწვევის
საკრებულოს საკმაოდ ცოტა დრო დარჩა უფლებამოსილების გასვლამდე, ამიტომ სასურველია მათი სახით არსებული რესურსის მაქსიმალურად
გამოყენება.
პროექტი ხორციელდება აშშ სახელმწიფო დეპარტამენტის მხარდაჭერით |