ომი და მშვიდობა მარადიული თემაა... მშვიდობას უძველესი
დროიდან ესწრაფვიან ადამიანები. მშვიდობის საერთაშორისო დღე გაეროს გენერალურმა ასამბლეამ 1982
წელს დააარსა.
ფონდი „სოხუმის" ირგვლივ გაერთიანებული ქალებისათვის მშვიდობას
განსაკუთრებული ფასი აქვს, ამიტომ ქალთა მხარდაჭერის
ექვსივე ცენტრი აქტიურად გამოეხმაურა ამ დღეს.
ქუთაისში, ფოთსა და ხურჩაში საინფორმაციო შეხვედრები ჩატარდა
მრგვალი მაგიდის გარშემო, წყალტუბოში ქალთა
ხელნაკეთი ნივთების გამოფენა გაიმართა,
სენაკში ბავშვების ნახატების გამოფენა მოეწყო.
ბავშვებმა ასფალტზეც დახატეს თავიანთი თვალით დანახული მშვიდობა... ხონში ველოსიპედებით
გასეირნებას გეგმავდნენ, ყველაფერი მოამზადეს საამისოდ, მაგრამ წვიმის გამო ღონისძიებას
სხვა ფორმა მიეცა - ახალგაზრდები ქალთა მხარდაჭერის ცენტრში შეიკრიბნენ და იქ განაგრძეს
საუბარი მშვიდობის თემაზე.
ღონისძიებების
მონაწილეებმა სხვადასხვაგვარად, მაგრამ ერთხმად აღნიშნეს, რომ
ისინი მხარს უჭერენ მშვიდობას და მშვიდობისათვის გააკეთებენ ყველაფერს, რასაც შეძლებენ...
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია) | 
