პარასკევი, 15.11.2019, 20:09
მოგესალმები სტუმარი

...

მთავარი » 2012 » ოქტომბერი » 30
 

ქალთა ხმის" მეხუთე ნომრის მთავარი თემა ისევ ქალთა მხარდაჭერის ცენტრების მუშაობა და მათი აქტიური როლის განსაზღვრაა ქალების ცხოვრებაში.

ცალკეული სტატიები ეძღვნება ფოთის, ხონისა და  სენაკის ქალთა მხარდაჭერის ცენტრებს. ამ ცენტრებს ახალი მობილიზატორები ჰყავთ - ფონდი „სოხუმის" ლიდერთა სკოლის კურსდამთავრებულები. ახალგაზრდული ენერგია  უკვე იგრძნობა ცენტრების მუშაობაში და დღითიდღე მეტი ცვლილებაა მოსალოდნელი.

მკითხველი ინტერესით გაეცნობა სხვა სტატიებსაც: „ფორუმ -თეატრის „კამანდა", „როცა დედა კარგი მეგობარია", მოზარდი თაობა და ინტერნეტსივრცე".

 

პროექტი ხორციელდება: გერმანიის ორგანიზაცია EED-, ეკლესიათა განვითარების სამსახურის მხარდაჭერით.

კატეგორია: საინფორმაციო ბიულეტენი | ნანახია: 538 | დაამატა: admin | თარიღი: 30.10.2012

კულტურულ-ჰუმანიტარული ფონდი „სოხუმი"
 
პრეს-რელიზი
ოქტომბერი, 2012 წ.
ქუთაისი

„ქალთა ჯგუფების ადგილობრივ ხელისუფლებასთან

დიალოგიდან - ურთიერთქმედებამდე"

 

2012 წლის 1 ოქტომბრიდან 2013 წლის 30 სექტემბრამდე, დასავლეთ საქართველოში, ფონდი „სოხუმი" ახორციელებს პროექტს „ქალთა ჯგუფის ადგილობრივ ხელისუფლებასთან დიალოგიდან - ურთიერთქმედებამდე".

პროექტი დაფინანსებული საქართველოში ამერიკის შეერთებული შტატების სელჩოს მიერ. ის მიზნად ისახავს ფონდის „ამომრჩეველ ქალთა ლიგის" ძლიერი და ორგანიზებული ქსელის შექმნით და ადგილობრივ სახელისუფლებო სტრუქტურებთან დიალოგის გაფართოებით დასავლეთ საქართველოს 8 ქალაქში (ქუთაისი, წყალტუბო, ხონი, ფოთი, ზუგდიდი, სენაკი, ოზურგეთი, ბათუმი) ადგილობრივი გადაწყვეტილებების მიღების პროცესში ჩართვას.

პროექტის პირდაპირი ბენეფიციარებია ამომრჩეველ ქალთა 8 კლუბის წევრები, 240 ქალზე მეტი.

პროექტის განხორციელების შემდეგ, არაერთი სასიცოცხლო საკითხის მოგვარებით, სარგებელს მიიღებს ამ ქალაქებისა და რაიონების მოსახლეობა; თავად ქალთა ჯგუფი რომელიც გახდება უფრო ძლიერი, ცნობადი, მოთხოვნადი, რაც საბოლოო ჯამში, ხელს უწყობს თანაბარ გენდერულ მონაწილეობას გადაწყვეტილების მიღების პროცესში; ადგილობრივი ხელისუფლება, რომელიც დაამყარებს მჭიდრო თანამშრომლობას საზოგადოებასთან და ასახავს მათ რეკომენდაციებს თავის საქმიანობაში; პროექტში ჩართული იგპ ქალები, რამეთუ პროექტი მათ სოციალიზაციასა და საზოგადოებაში სრულფასოვან ინტეგრაციას შეუწყობს ხელს.

იმის გათვალისწინებით, თუ რა დიდი მნიშვნელობა აქვს საზოგადოების ჩართვის გადაწყვეტილების მიღების პროცესში, ღირებული ხდება სხვადასხვა ჯგუფებისათვის შესაბამისი განათლების მიცემის, ინიციატივების ჩამოყალიბებაშ დახმარების გაწევის, ადგილობრივ ხელისუფლებასთან დიალოგის ხელშეწყობის, ადგილობრივი მოსახლეობისა და იგპ-ებისათვის საჭირბოროტო საკითხების კვალიფიციური ადვოკატირების საკითხი.

ფონდი „სოხუმის" ამომრჩეველთა ქალთა ლიგა, რომელიც აერთიანებს 8 კლუბს, აქტიურად ჩართავს ამ პროექტში თავის აქტივისტებს. ისინი გაივლიან შესაბამის ტრენინგებს, შეისწავლიან ადგილობრივი თემის პრობლემებს, ჩამოაყალიბებენ სამოქალაქო ინიციატივებს და წინადადებებს, რომელთა გადაწყვეტა შესაძლებელია ადგილობრივ დონეზე.

პროექტის მონაწილეები დაესწრებიან საკრებულოს სხდომებს, რათა მოხდეს ამ ინიციატივების შეჯერება, რის შემდეგაც დასავლეთ საქართველოს 8 ქალაქსა და რაიონში ადგილობრივ თვითმმართველობასთან ერთად პანელურ დისკუსიებზე ისინი განხილული იქნება სამოქალაქო საზოგადოების, მედიის, არასმთავრობო ორგანიზაციების, სახელისუფლებო სტრუქტურების მონაწილეობით.

 

კატეგორია: მიმართვები და ღია წერილები | ნანახია: 686 | დაამატა: admin | თარიღი: 30.10.2012

ქალთა მხარდაჭერის ცენტრებში ბოლო დროს პოპულარული გახდა მასტერ-კლასები კულინარიული ნიმუშების შექმნაში. ოქტომბერში მსგავსი ღონისძიება უკვე ჩატარდა სენაკისა და ქუთაისის ქალთა ცენტრებში, ხოლო ხონში - ერთი მასტერ-კლასი სტილისტურ ხელოვნებაში.

ხონში ჩატარებული მასტერ-კლასს ესწრებოდნენ არა მხოლოდ გოგონები, არამედ ქალებიც. რეზულტატი დასაწყისშივე გამოჩნდა, მონაწილეები განსაკუთრებული ინტერესით ისმენდნენ წამყვანის ნაამბობს, რომელიც თმის მოვლის, ვარცხნილობის შექმნის განსაკუთრებულ ელემენტებზე აკეთებდა აქცენტს.

 არანაკლები ინტერესით დამთავრდა ქუთაისსა და სენაკში  ჩატარებული მასტერ-კლასები კულინარიაში. წამყვანმა მონაწილეებთან საუბარი იმ ინგრედიენტების ჩამონათვალით დაიწყო, რომელიც მოსამზადებელი სალათის შემადგენლობაში შედიოდა. მომზადების პერიოდში ფაქტიურად არ ყოფილა არც ერთი თავისუფალი წუთი, მონაწილეები აქტიურად  სვამდნენ შეკითხვებს და ეცნობოდნენ მომზადების ტექნოლოგიას.  განსაკუთრებული ინტერესი მხოლოდ შეკითხვებით არ შემოფარგლულა, მონაწილეები თავადაც ყვებოდნენ საინტერესო დეტალებს მათი კულინარიული გამოცდილებიდან. ერთ-ერთი მათგანის პირადი რეცეპტი ინტერესით ჩაინიშნეს დანარჩენმა მონაწილეებმა.  

ორმა საათმა ცოცხალი დისკუსიის ფონზე გაირბინა. დასასრულს, თითოეულ მათგანს საშუალება ჰქონდა მათ თვალწინ მომზადებული კერძი დაეგემოვნებინა.

მონაწილეთა მოთხოვნებისა და მაღალი ინტერესებიდან გამომდინარე მასტერ-კლასები მომდევნო თვეშიც გაგრძელდება.    

 

პროექტი ხორციელდება: გერმანიის ორგანიზაცია EED-, ეკლესიათა განვითარების სამსახურის მხარდაჭერით.

კატეგორია: მასტერ-კლასები | ნანახია: 632 | დაამატა: admin | თარიღი: 30.10.2012

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  ოქტომბერი 2012  »
ორსამოთხხუთპარშაბკვ
1234567
891011121314
15161718192021
22232425262728
293031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0