|
მარტში ჩატარდა სამი
შეხვედრა იმერეთში მცხოვრებ გოგონებთან. მათში მონაწილეობდა 44 ახალგაზრდა.
განხილული იყო საერთო თემა: „საერთაშორისო სამართლებრივი დოკუმენტები ქალთა
უფლებების შესახებ".
16.03.12. - ხონი. შეხვედრის 12
მონაწილიდან იმ დღეს ოთხი ახალი იყო. მათ მეგობრებისაგან მიიღეს ინფორმაცია შეხვედრების
შესახებ და გაუჩნდათ სურვილი, მათსავით
აქტიურები გახდნენ. ეს აზრი გამოხატა ნინო ასლამაზიშვილმა: „ჩვენც გვინდა, ვიყოთ
უფრო განათლებულები, საზოგადოებრივად აქტიურები და მეტი ვიცოდეთ ჩვენი უფლებების
შესახებ."
20.03.12 - ქუთაისი. 12 სტუდენტი
შეიკრიბა შეხვედრაზე, მათგან შვიდი პირველად იყო.
ერთ-ერთმა მათგანმა, მარიეტა ქობალიამ ბოლოს თქვა: „არ ვიცოდი, ასეთ
თემებზე არასამთავრობო ორგანიზაციებში თუ მსჯელობდნენ. ახალგაზრდებისათვის ასეთი
ღონისძიებები შემეცნებითი და სასარგებლოა."
21.03.12 - წყალტუბო. შეხვედრაში
მონაწილეობდა 14 გოგონა. ცხრა მათგანმა, რომელიც პირველად ესწრებოდა,
თანატოლებისგან და ჟურნალ „ქალთა ხმიდან" გაიგო ამ შეხვედრების შესახებ და ამიტომაც გადაწყვიტა ამ
მუშაობაში ჩართვა.
„არ ვიცოდი, რომ
საერთაშორისო სამართალი ასე იცავდა ქალთა უფლებებს," - აღნიშნა ლიკა ბენდელიანმა.
შეხვედრების მონაწილე
გოგონებისთვის საინტერესო აღმოჩნდა დასმული საკითხები და პრობლემები. მათ
დაურიგდათ საინფორმაციო ფურცლები.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.
| 
