ბათუმის საკრებულოს სხდომათა დარბაზში ფონდ „სოხუმსა" და თვითმმართველი ქალაქ ბათუმის საკრებულოს შორის
თანამშრომლობის მემორანდუმის ხელმოწერა გაიმართა.
შეხვედრას ესწრებოდნენ ფონდი „სოხუმის" თანამშრომლები, ბათუმის
საკრებულოსა და მერიის წარმომადგენლები, ჟურნალისტები. დამსწრეებს საშუალება
ჰქონდათ, გაცნობოდნენ პროექტის მიზნებსა და მის ფარგლებში დაგეგმილ ღონისძიებებს.
ითქვა, რომ გენდერული საკონსულტაციო
საბჭოს შექმნითა და მისი სრულფასოვანი ამოქმედებით უნდა მოხდეს გავლენა ადგილობრივ
გენდერულ პოლიტიკაზე, ადგილობრივ ბიუჯეტში გენდერული ასპექტების გათვალისწინებაზე,
რესურსების სამართლიან განაწილებაზე.
ფონდ „სოხუმსა" და ბათუმის საკრებულოს შორის მემორანდუმის გაფორმებით
განისაზღვრა მრავალმხრივი თანამშრომლობის პირობები და მხარეთა ვალდებულებები.
პროექტი შეფასდა, როგორც ქალაქისათვის
ძალიან სასარგებლო და გამოითქვა რწმენა, რომ მხარეები თავს არ დაზოგავენ ხელშესახები
შედეგების მისაღწევად.
სიუჟეტი მემორანდუმის ხელმოწერის შესახებ ნაჩვენები იყო ახალი ამბების საღამოს
გამოშვებაში (აჭარის ტელევიზიის გადაცემა „დრო").
https://www.facebook.com/photo.php?v=201188613402333&set=vb.100005335873635&type=2&theater
პროექტი ხორციელდება აშშ სახელმწიფო დეპარტამენტის მხარდაჭერით | 
