სამშაბათი, 17.09.2019, 03:20
მოგესალმები სტუმარი

...

მთავარი » 2013 » დეკემბერი » 27

ორი თვეა, ყოველ ხუთშაბათს, 4 საათზე, 10–15 ადამიანი იკრიბება ფონდ „სოხუმში". ეს შერეული ჯგუფია - 12–დან 22 წლამდე, გოგონებიც და ბიჭებიც. ისინი ჩუმად შდიან ოთაის კარებში, ერთი საათი რჩებიან იქ და ისევე ჩუმად მიდიან, როგორც მოვიდნენ. ფონდში მათი ვიზიტები შეუმჩნეველი დარჩებოდა, რომ არა მათი სიცილი, რომელიც ზოგჯერ სხვა ოთახებშიც გადის.

ვინ არიან და რას გეგმავენ? ისინი ინგლისურ ენას სწავლობენ ფონდ „სოხუმის"  ინგლისურის კლუბში გერმანიიდან ჩამოსულ მოხალისე ელენ შროედერთან ერთად.

სალაპარაკო ინგლისურის კლუბი, სწორედ ასეა! მათ უკვე იციან ზოგი რამ ინგლისურ ენაზე, ამიტომ იკრიბებიან, რომ ითამაშონ, ფილმებს უყურონ, ინტერვიუები ჩაატარონ და სხვადასხვა თემაზე იმსჯელონ. თემები საკმაოდ მრავალფეროვანია - კვების პროდუქტები თუ ტრადიციები, მუშაობა, ბავშვთა საჭიროებები თუ ეროვნული დღესასწაულები. ასე ეცნობიან სხვადასხვა კულტურას. და თანაც მხიარულად ატარებენ დროს.

კლუბი კიდევ ერთ თვეს გაგრძელდება და ვნახოთ, რა იქნება შემდგომ. შეიძლება ახალი წრე დავარტყათ - შემოგვიერთდით!

კატეგორია: შეხვედრები | ნანახია: 567 | დაამატა: admin | თარიღი: 27.12.2013

ფონდი „სოხუმის" წარმომადგენლები დაესწრნენ ბათუმის საკრებულოს 27 დეკემბრის სხდომას, რომელზეც 2014 წლის ადგილობრივი ბიუჯეტი დამტკიცდა.

ბიუჯეტი 99 მილიონ 700 000 ლარია, რაც ბევრად ნაკლებია წინა წლების თანხასთან შედარებით, ამიტომ პრიორიტეტების განსაზღვრა დისკუსიების ფონზე მიმდინარეობდა.

როგორც საკრებულოს წევრები აცხადებენ, ბიუჯეტის 1/3 ინფრასტრუქტურულ პროექტებს მოხმარდება. 25% განისაზღვრა განათლების, კულტურის და დასვენების ობიექტების რეაბილიტაციის მიმართულებით.

აზრთა სხვადახვაობა გამოიწვია „იაფი სახლის" (შეღავათიანი საბინაო პროექტი) პროექტმა. მოხდა შეთანხმება, რომ მოკლე ვადებში მოხდება პროექტის კრიტერიუმების დეტალური გაწერა.

პრიორიტეტებად გამოცხადდა  ჯანდაცვა და სოციალური პროგრამები. იზრდება საბავშვო ბაღების თანამშრომლების ხელფასი (დაახლოებით 1000-მდე თანამშრომელს ხელფასი 80-დან 100 ლარამდე ეზრდება). განსაზღვრულია საზოგადოებრივ ორგანიზაციებთან თანამშრომლობა და მათი მხარდაჭერა.

მიუხედავად იმისა, რომ ბიუჯეტის პროექტი გენდერული მახასიათებლების კუთხით არ შეფასებულა, ის მაინც იძლევა შესაძლებლობას, შესაბამისი პოლიტიკური ნების შემთხვევაში, გათვალისწინებულ იქნეს სხვადასხვა ჯგუფის საჭიროებები. ამის დასტურია ის ფაქტი, რომ სხდომაზე გოგიტიძეების მრავალშვილიან ოჯახს კარგი საახალწლო საჩუქარი - საცხოვრებელი სახლის გასაღები გადასცეს.

 

პროექტი ხორციელდება საქართველოში

აშშ საელჩოს მხარდაჭერით

კატეგორია: შეხვედრები | ნანახია: 487 | დაამატა: admin | თარიღი: 27.12.2013

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  დეკემბერი 2013  »
ორსამოთხხუთპარშაბკვ
      1
2345678
9101112131415
16171819202122
23242526272829
3031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0