ოთხშაბათი, 16.10.2019, 00:14
მოგესალმები სტუმარი

...

მთავარი » რადიოგადაცემები

 

რადიო „ძველ ქალაქში“ გასული სიუჟეტი სენაკის გენდერული საკონსულტაციო საბჭოს საქმიანობის ყველაზე საინტერესო მომენტებს ასახავს.

საბჭოს წევრები ჩატარებულ სოციოლოგიურ კვლევაზე და მის შედეგებზე საუბრობენ. მათი აღნიშვნით - კვლევამ ძალიან ბევრი ისეთი საჭიროება გამოავლინა, რომელიც ერთი შეხედვით არ ჩანდა და უფრო სიღრმისეულ შესწავლას საჭიროებდა. მაგალითად - ახალგაზრდების მხარდაჭერის გრძელვადიანი პროგრამების, ბიუჯეტირების პროცესში მოქალაქეების მეტი ჩართულობის აუცლებლობა; ბოლო 25 წლის განმავლობაში შექმნილი სოციალურ-ეკონომიკური გარემოებების გამო მასობრივად შინამეურნეობაზე გადასული მოსახლეობის პროფესიული გადამზადების ხელშეწყობა და ინვესტიციების მოზიდვა მცირე საწარმოების შესაქმნელად; ქალთა მცირე ბიზნესის ხელშეწყობისათვის შესაბამისი გარემოს შექმნა და ა.შ.

კვლევაზე დაყრდნობით საბჭოს უკვე მზადა აქვს წინადადებები და რეკომენდაციები ახალი საკრებულოსთვის წარსადგენად.

გადაცემა არჩევნების შემდეგ სენაკის საკრებულოში შექმნილ გენდერულ სურათსაც შეეხო: როგორც სიუჟეტში გამოჩნდა, ქალებს საკმაოდ კარგი პოზიციები აქვთ საკრებულოში. არჩეული 6 ქალბატონიდან ერთი  სოციალურ საკითხთა კომისიის თავმჯდომარეა, ორი - სხვადასხვა ფრაქციას ხელმძღვანელობს.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: რადიოგადაცემები | ნანახია: 543 | დაამატა: admin | თარიღი: 24.07.2014

 

I რადიოგადაცემა

წინასაარჩევნო გარემოს შეფასება ქალთა მონაწილეობის კუთხით

როგორ შეფასებას აძლევენ წინასაარჩევნო გარემოს თვითმმართველობის არჩევნებში ქალთა მონაწილეობის კუთხით  ბათუმის გენდერული საკონსულტაციო საბჭოს წევრები, როგორ აფასებენ საკუთარ შანსებს ქალი დეპუტატობის კანდიდატები და რას სთავაზობენ  ამომრჩეველს, რამდენად აქვთ ქალთა საზოგადოების სოლიდარობის იმედი - რადიო „თავისუფლების“ ეთერში დეპუტატობის ქალი-კანდიდატების ამომრჩევლებთან შეხვედრები, ამ შეხვედრებზე წამოწეული საკითხები გაშუქდა.

II რადიოგადაცემა

არჩევნების შედეგების გენდერული ანალიზი

როგორც ჩატარებულმა თვითმმართველობის არჩევნებმა უჩვენა, ადგილობრივი საზოგადოება ჯერაც არ არის მზად, მხარი დაუჭიროს ქალ-კანდიდატებს. გენდერული საკონსულტაციო საბჭოს წევრების შეფასებით, ამის მაგალითია საკრებულოს გენდერული სურათი - ბათუმის თვითმმართველობის არჩევნების შედეგად მხოლოდ ორი ქალი გახდა ამომრჩევლის რჩეული. როგორ აპირებენ ისინი საკუთარი პოტენციალის რეალიზებას, რას თვლიან პრიორიტეტულად და რაში უნდათ დაიხარჯონ - რადიო „თავისუფლებაში“ გასული სიუჟეტი ამ საკითხებს ეხება.  

III  რადიოგადაცემა

ფონდი „სოხუმის“ ადგილობრივ გენდერულ საჭროებათა კვლევის რეზონანსი - რადიო თავისუფლებაში

რადიო „თავისუფლების“ ეთერში  გასული რადიოსიუჟეტი ბათუმის გენდერული საკონსულტაციო საბჭოსა და ფონდი „სოხუმის“ მიერ ჩატარებულ  ადგილობრივი გენდერული ჯგუფების საჭიროებათა კვლევას ეხება და გამოკვეთილ პრობლემებზე ადგილობრივი ხელისუფლების, სხვადასხვა სახელისუფლებო სტრუქტურის პოზიციას ასახავს.

 

პროექტი ხორციელდება აშშ  სახელმწიფო დეპარტამენტის  მხარდაჭერით

 

კატეგორია: რადიოგადაცემები | ნანახია: 539 | დაამატა: admin | თარიღი: 30.06.2014

რადიო „რიონის“ ეთერში გავიდა გადაცემა, რომელშიც გაშუქდა ქსელი „სინერგიას“ მიერ ორგანიზებული შეხვედრები ადგილობრივი თვითმმართველობის ქალ-კანდიდატებსა და დევნილთა ჯგუფებს შორის.

გადაცემაში მონაწილეობა მიიღეს ფონდი „სოხუმისა“ და მეწარმე ქალთა ფონდის ხელმძღვანელებმა  ალლა გამახარიამ და მერი გელაშვილმა, რომელთაც ბევრ აქტუალურ საკითხზე გაამახვილეს ყურადღება.

 

კატეგორია: რადიოგადაცემები | ნანახია: 588 | დაამატა: admin | თარიღი: 29.06.2014

რას მოიაზრებს მზრუნველობამოკლებული ბავშვების მინდობით აღზრდის სახელმწიფო პროგრამა; ვინ შეიძლება გახდეს ამ პროგრამის ბენეფიციარი;  რა  პრობლემებს აწყდებიან  ისინი, ვინც მინდობით ზრდის ბავშვს; როგორ ხდება ამ ბავშვების (რომლებიც  მანამდე  ოჯახში ძალადობის პირდაპირი ან ირიბი მსხვერპლი იყვნენ)  ადაპტაცია ახალ გარემოში...

„თავიდან გოგონებს უნებლიე შარდვა ჰქონდათ. როგორც კი ოჯახში მოსულ სტუმარს დაინახავდნენ, შიშით ეკითხებოდნენ ოჯახის უფროსს: „ბაბუ, ხომ არ დალევო?“

„ძველი ქალაქის“ ეთერში გასული „ანონიმური რადიომონოლოგი“ სწორედ ასეთ შემთხვევას ეხება და ორი პატარა გოგონას შესახებ მოგვითხრობს, რომელთაც პროგრამამ მისცა შესაძლებლობა, იცხოვრონ ჯანსაღ ფსიქო-ემოციურ და ყოფით პირობებში.

                                                                                                               

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: რადიოგადაცემები | ნანახია: 552 | დაამატა: admin | თარიღი: 26.06.2014

ფონდი „სოხუმის“ მიერ მომზადებულ რადიოგადაცემაში ქუთაისის გენდერული საკონსულტაციო საბჭოს მიერ ჩატარებული კვლევების შედეგები აისახა.

რა მოცულობის კვლევა ჩატარდა, ვინ იყო კვლევის სამიზნე ჯგუფები, როგორ აფასებენ კვლევაში ჩართული პირები მათ მიერ ჩატარებულ სამუშოს: რესპონდენტების ინტერვიუში  კვლევის შედეგად გამოვლენილი სხვადასხვა ჯგუფის განსაკუთრებული გენდერული საჭიროებები გამოიკვეთა.   

გადაცემის დრო დაეთმო საბჭოს წევრების პოზიციებს, თუ როგორ ხედავენ ისინი ქალაქში არსებული რიგი პრობლემების გადაწყვეტის გზებს, როგორ აპირებენ მონაწილეობას მათ გადაჭრაში.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: რადიოგადაცემები | ნანახია: 502 | დაამატა: admin | თარიღი: 02.05.2014

რა მნიშვნელობა ენიჭება საზოგადოების ერთიან ძალისხმევას ოჯახში ძალადობის შესამცირებლად; როგორ რეაგირებს ცალკეული პასუხისმგებელი რგოლი კონკრეტულ შემთხვევებზე; როგორ აფასებენ ბენეფიციარები ფონდის ფსიქოლოგიურ სამსახურს; რამდენად ქმედითია სოციალური მუშაკების ძალისხმევა  და რა მიმართულებით თანამშრომლობენ ფონდთან; ქალთა მხარდაჭერის ცენტრების მობილიზატორები   ინფორმაციის გაცვლის მნიშვნელობაზე   - რადიო „ძველი ქალაქის“ ეთერში გასული რადიოგადაცემა  ამ და სხვა საინტერესო საკითხს  შეეხო.  

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: რადიოგადაცემები | ნანახია: 514 | დაამატა: admin | თარიღი: 29.04.2014

 

რადიო „ძველი ქალაქის“ ეთერში გასული სიუჟეტი ქუთაისის გენდერული საკონსულტაციო საბჭოს საქმიანობის შესახებ მოგვითხრობს. საბჭოს წევრები მაღალ შეფასებას აძლევენ ტრენინგს, რომელიც ფონდი „სოხუმის“ ორგანიზებით ჩატარდა:

„ის ძალიან დაგვეხმარა, რომ თვითმმართველობების გენდერული დღის წესრიგის შესაქმნელად აუცილებელ კონცეფციაზე დაგვეწყო მუშაობა“.

„აქამდე გენდერს მხოლოდ ქალთა უფლებების ჭრილში განვიხილავდი. ტრენინგის წყალობით ჩემი თვალსაწიერი ძალიან გაფართოვდა“.

„სხდომებზე განისაზღვრა საბჭოს სტრატეგია და ღონისძიებები. ამით არაერთი ადგილობრივი საჭირბოროტო საკითხის გადაწყვეტა გახდება შესაძლებელი“.

„გვინდა აქტიურად ჩავერთოთ მონიტორინგში, რომელიც ახალი საბავშვო ბაღების მშენებლობისას სავალდებულო გენდერული სტანდარტების გათვალისწინებას შეუწყობს ხელს“.

„ამ ეტაპზე საბჭოს წევრები აქტიურად ვართ ჩართული კვლევაში და ვხედავთ, რომ გამოიკვეთა უამრავი საკითხი, რომელიც ჩვენს ერთიან ძალისხმევას მოითხოვს“.

 

საბჭოს წევრებთან ინტერვიუები მიუთითებს, რომ მათ ღრმად აქვთ გაცნობიერებული საკუთარი პასუხისმგებლობა ქალთა მხარდაჭერისა და სოციალური სამართლიანობის დამკვიდრებისათვის.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

 

კატეგორია: რადიოგადაცემები | ნანახია: 502 | დაამატა: admin | თარიღი: 11.04.2014

« 1 2 3 4 5 ... 9 10 »
საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  ოქტომბერი 2019  »
ორსამოთხხუთპარშაბკვ
 123456
78910111213
14151617181920
21222324252627
28293031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0