5 თებერვალს, „TV 25“-ის 5-საათიანი „მაცნეს“ ბლოკი „სტუმარი სტუდიაში“ ბათუმის გენდერული საკონსულტაციო საბჭოს ორი წარმომადგენლის მონაწილეობით გაიმართა.
გადაცემაზე საბჭოს ორწლიანი საქმიანობა შეფასდა. გამოიკვეთა კონკრეტული შედეგები, რომლებიც საკონსულტაციო საბჭოს თაოსნობით იქნა მიღწეული და ადგილობრივ დონეზე გენდერული პოლიტიკის დამკვიდრებას უწყობს ხელს.
ჩატარებული კვლევები; საზოგადოებრივი დისკუსიები სხვადასხვა მნიშვნელოვან საკითხზე; საინფორმაციო შეხვედრები სამოქალაქო ჯგუფებთან; ამომრჩეველ ქალთა კლუბის საქმიანობა ადვოკატირების მიმართულებით; ქალაქის ბიუჯეტისთვის მომზადებული წინადადებები, პროგრამები; საქართველოს პარლამენტის გენდერულ საბჭოსთან შეხვედრა - გადაცემის სტუმრებმა ვრცლად ისაუბრეს გენდერული საბჭოს დღის წესრიგზე.
განსაკუთრებული ყურადღება მიექცა თვითმმართველობისათვის მიწოდებული წინადადებებისა და რეკომენდაციების პაკეტს ოჯახში ძალადობისაგან დაცვისათვის აუცილებელი ადგილობრივი ღონისძიებების თობაზე, რადგან, როგორც ჟურნალისტმა აღნიშნა, ეს თემა აჭარაში გენდერულ საკითხებს შორის ყველაზე მტკივნეულია. ხაზგასმული იყო, რომ პატივისცემას იმსახურებს ადგილობრივი ხელისუფლების ორივე შტოს მზაობა თანამშრომლობისათვის, პერსონალის სათანადო ინფორმირებისათვის დაგეგმილი ღონისძიებები.
რაც შეეხება სამომავლო პერსპექტივებს, ითქვა, რომ საბჭო აპირებს თვითმმართველობას დაფინანსებისათვის წარუდგინოს პროექტები, რომლებიც ადგილობრივი სამოქალაქო ჯგუფების განვითარებას შეუწყობს ხელს; გრძელდება საქმიანობა გენდერული საჭიროებების კვლევის კუთხით; მიმდინარეობს ინტენსიური მუშაობა ადგილობრივი გენდერული პოლიტიკის დოკუმენტზე, რომელიც საბჭოს სახელით მალე წარედგინება საკრებულოს.
პროექტიხორციელდებააშშ სახელმწიფო დეპარტამენტის მხარდაჭერით
ფორუმ-თეატრის წარმოდგენებს სენაკის 1-ლ სკოლაში 62 მოსწავლე დაესწრო. ფორუმ-თეატრმა 7 წარმოდგენა უჩვენა შეკრებილებს, რამაც საინტერესო დისკუსიები და მოსწავლეთა აქტიური ჩართულობა გამოიწვია..
ყველაზე დიდი მოწონება დაიმსახურა სცენამ, სადაც დედა შვილის ურთიერთობა არის ნაჩვენები. ყველამ ერთხმად შვილი დაადანაშაულა და უმეტესობამ საკუთარი თავი, საკუთარი ნაკლი დაინახა. მერე ეცადნენ, ეჩვენებინათ, როგორ შეიძლება სიტუაციის გამოსწორება, რა უნდა გააკეთონ, რომ არ განვითარდეს კონფლიქტი და შემდგომ ძალადობაში არ გადაიზარდოს. სწორედ ეს არის ფორუმ-თეატრის ერთ-ერთი შედეგი.
პროექტიხორციელდებაორგანიზაცია Brot für die Welt – Evangelischer
სენაკის 1-ლ საჯარო სკოლაში ფონდმა „სოხუმმა“ პირველად ჩაატარა შეხვედრა. ეს იყო არასამთავრობო სექტორის პირველი შესვლა სკოლაში. შეხვედრაში მონაწილეობა მიიღო 14-მა მეთერთმეტეკლასელმა.
მათთვის უცნობი იყო შეხვედრის თემა „გენდერული პოლიტიკის განვითარება საქართველოში“. თავიდან ჩუმად იყვნენ, შემდეგ კი აქტიურად იმსჯელეს ტრადიციებზე, მამაკაცის კულტზე, განსაკუთრებით - სამეგრელოში. აღნიშნეს, რომ ეს საინტერესო და მნიშვნელოვანი საკითხია, მაგრამ ძნელია მისი დამკვიდრება, რადგან სტერეოტიპული აზროვნება დიდ გავლენას ახდენს ადამიანებზე.
როგორც სხვა სკოლებში, აქაც ინტერესით მოისმინეს ინფორმაცია ფონდი „სოხუმის“ შესახებ, ჩამოყალიბდა ახალგაზრდული კლუბი და მოხალისეთა ჯგუფი.
პროექტიხორციელდებაორგანიზაცია Brot für die Welt – Evangelischer
სენაკის ქალთა მხარდაჭერის ცენტრში ადგილობრივი და აფხაზეთიდან დევნილი მოსახლეობა შეიკრიბა. ამომრჩეველ ქალთა კლუბის შეხვედრაზე ინდივიდუალური და საერთო პრობლემები გაჟღერდა.
ნანი შენგელიამ საკუთარი სახლის გადახურვის პრობლემა დასვა, მაყვალა ფირცხალავამ (სოციალურად დაუცველი, ქვრივი, უმუშევრი) კი - საკუთარი სახლის კეთილმოწყობის საკითხი. იმ დღეს კლუბმა ამ პრობლემების მოგვარების მიზნით წერილობით მიმართა ადგილობრივ ხელისუფლებას.
კლუბზე აღინიშნა დედის ქუჩის რეაბილიტაციისა და გაზიფიცირების პრობლემა, რომელთა ადვოკატირებას შემდეგ სხდომაზე შეეცდებიან.
12 ახალგაზრდა შეიკრიბა ქუთაისის ქალთა მხარდაჭერის ცენტრში. შეხვედრაზე მათ მიიღეს ინფორმაცია ფონდი „სოხუმის“ ახალ პროექტზე. საუბარი გაიმართა საქართველოში გენდერული საზოგადოების განვითარების შესახებ. შეიქმნა მოხალისეთა სტუდენტური ჯგუფი, რადგან ახალგაზრდები მიიჩნევენ, რომ განხილული საკითხები აქტუალურია.
შეხვედრის ზოგიერთმა მონაწილემ აღნიშნა, რომ ისინი იქნებ არ ეთანხმებიან ყველა მოსაზრებას, რაღაც დეტალებთან დაკავშირებით სხვა აზრი აქვთ, მაგრამ მთავარი ის არის, რომ ცდილობენ, დაამსხვრიონ სტერეოტიპები, ის, რაც არ მოსწონთ... მსგავსი შეხვედრები კიდევ უფრო აძლიერებთ მათ ამ პროცესში.
პროექტიხორციელდებაორგანიზაცია Brot für die Welt – Evangelischer
თბილისში ჩატარდა სამდღიანი სემინარი ტრენერებისათვის არტთერაპიის მეთოდების გამოყენების კუთხით ფსიქოლოგიაში, პედაგოგიკაში და ყოველდღიურ ცხოვრებაში. ტრენინგი მიჰყავდა რუსეთიდან ჩამოსულ სპეციალისტს ნატალია ნელიდოვას.
„მეტაფორულ ასოციაციურ ბარათებს ოცწლიანი ისტორია აქვთ. ეს არის ინსტრუმენტი რომელმაც მრავალგზის დაადასტურა ეფექტურობა. მას იყენებენ ოჯახურ თერაპიასთან, გეშტალტთერაპიასთან, არტთერაპიასთან ერთად... - აღნიშნავს ტრენინგის მონაწილე, ფონდი „სოხუმის“ ფსიქოლოგი მანანა გოცირიძე. - გარკვეული ბარათის აღება არ არის შემთხვევითი. ჩვენ ვუყურებთ სურათს და სიტყვები და სახეები თავისდაუნებურად ჩნდება და ხვდება არსში, ხსნის გულში ღრმად ჩამალულსაც კი. ეს გასაოცარია. მაგრამ გასაოცარია ისიც, რომ ადამიანები ერთი და იმავე ბარათების სხვადასხვაგვარ ინტერპრეტაციას აკეთებენ. ეს მეთოდი გვეხმარება ნდობითი ატმოსფეროს შექმნაში, რთული სიტუაციის გარკვევაში“.
ტრენინგმა მონაწილეებს ინდივიდუალური და ჯგუფური ფსიქოლოგიური მუშაობის ახალი შესაძლებლობები დაანახა.
პროექტიხორციელდებაორგანიზაცია Brot für die Welt – Evangelischer
ტელეკომპანია „რიონზე“ გასული სიუჟეტი მომზადდა პროექტის „ქ. ქუთაისში განსახლებული იგპ-თა ჩართვა მუნიციპალურ 2015 წლის ბიუჯეტის განხილვასა და ადვოკატირების პროცესში თავიანთ სპეციფიკურ მოთხოვნათა გათვალისწინების მიზნით“ ფარგლებში.
ტელეჟურნალისტები შეხვდნენ პროექტში ჩართული სამი კოლექტიური ცენტრის (სასტუმრო „კოლხეთი“, სამუსიკო სკოლა-ინტერნატი, სატრაქტორო ქარხანა) მცხოვრებთ, გაეცნენ მათ საცხოვრებელ პირობებს, ჩაწერეს ინტერვიუები, რომლებშიც დეტალურად არის აღწერილი დევნილთა საჭიროებები და პრობლემები. სიუჟეტში აისახა ფონდ „სოხუმში“ ჩატარებული მრგვალი მაგიდა, რომელსაც ესწრებოდნენ ადგილობრივი თვითმმართველობის, დევნილთა რეგიონალური სამსახურისა და აფხაზეთის ავტონომიური რესპუბლიკის მთავრობის წარმომადგენლები.
ადგილობრივი თვითმმართველობის წარმომადგენლება ინტერვიუებში აღნიშნეს, როდის და როგორ იქნება შესაძლებელი დევნილთა პრობლემების მოგვარება.
სიუჟეტი ეთერში გავიდა 1 თებერვალს და მან დაანახა მაყურებელს თანამშრომლობა სამოქალაქო საზოგადოებასა და ადგილობრივ მთავრობას შორის, რომელსაც უსათუოდ ექნება კარგი შედეგები.
