...

როგორ ესმით გოგონებს გენდერული თანასწორობა, როგორი მათი თვალით დანახული ჰარმონიული ურთიერთობა- ამ თემის ირგვლივ გაიმართა საუბარი ქუთაისში  ჩატარებულ შეხვედრაზე. მონაწილეებმა ცოცხალი მაგალითები მოიყვანეს როგორი უნდა იყოს თანასწორობა ქალსა და მამაკაცს შორის და რა დადებითი შედეგები მოაქვს მსგავს ურთიერთობებს როგორც ოჯახში, ასევე საზოგადოებაში. გოგონები მიიჩნევენ, რომ ადრეული ასაკიდან უნდა იწყებოდეს მსგავს საკითხებზე საუბარი და შემდეგ უკვე არ იქნება რთული დასამკვიდრებელი გენდერული თანასწორობა.

- ეთიკა და ესთეტიკა, ეს უკვე სენაკში გამართული შეხვედრის თემაა. ინტერესი ძალიან მაღალი იყო. მონაწილეებმა მოისმინეს ინფორმაცია რას ნიშნავს ეთიკა, ესთეტიკა. რამდენად მნიშვნელოვანია ის ადამიანისათვის, განსაკუთრებით ქალისათვის. ინფორმაციის მოსმენის შემდეგ მოიყვანეს არა ერთი მაგალითი თემასთან დაკავშირებით.

შეხვედრის მეორე ნაწილში მუშაობა ინტერაქტიულ რეჟიმში გაგრძელდა.

მონაწილე გოგონებმა მოისმინეს ინფორმაციები, კონფლიქტის თეორიაზე, კონფლიქტის ანალიზზე, მოგვარების გზებზე.

გენდერული თანასწორობის თემა ინტერესით მოისმინეს ფოთის ქალთა მხარდაჭერის ცენტრში ჩატარებულ შეხვედრაზე. შეხვედრას ახალი მონაწილეებიც დაემატნენ. გოგონების აზრით, გენდერული თანასწორობის დამკვიდრება საქართველოში არ იქნება მარტივი, რადგან საკმაოდ ძლიერია ტრადიციები და სტერეოტიპები.

საინტერესო აღმოჩნდა მონაწილეებისათვის ინფორმაცია კონფლიქტის თეორიაზე. მართალია დააწყისში უფრო მეტი თავშეკავება შეიმჩნეოდა, მაგრამ მალევე მოიხსათ კომპლექსები და აქტიურად ჩერთნენ დისკუსიაში. 

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

ქ. ბორჯომში, სასტუმრო "ბორჯომის ხეობაში” ჩატარდა სამდღიანი ტრენინგი თემაზე "პრევენციული სტრატეგიები ოჯახში ძალადობის წინააღმდეგ”. ტრენინგს ესწრებოდა ადგილობრივი თვითმმართველობის, განათლების რესურს ცენტრების და სოციალური სამსახურის წარმომადგენლები ქუთაისიდან, ფოთიდან, ზუგდიდიდან, სენაკიდან, წყალტუბოდან, ხონიდან. 

ტრენინგზე განხილული იყო შემდეგი თემები: გენდერული თანასწორობა, სტერეოტიპები, ოჯახში ძალადობა და მის წინააღმდეგ მოქმედი მექანიზმები საქართველოს კანონდებლობის მიხედვით, ოჯახში ძალადობის მსხვერპლთა სოციალური და სამართლებრივი დაცვის რეფერალური მექანიზმები, გენდერული ძალადობა,  ოჯახური ძალადობის დეფინიცია და ფორმები, მიზეზები და რისკ ფაქტორების განსაზღვრა, ინსტიტუციური თანამშრომლობის მოდელი. 

მონაწილეების აქტიური და პროდუქტიული მუშაობის შედეგად შემუშავდა ორიგინალური კონცეფციების მოდელები თითოეული ქალაქისათვის, რაც საფუძვლად დაედება ოჯახში ძალადობასთან ბრძოლის  სამომავლო სტრატეგიებს.  

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.