|
ხობში ჩატარებულ ამომრჩეველ ქალთა კლუბზე 25 ადამიანი შეიკრიბა. შეკრებილებმა ქალაქში არსებულ პრობლემებზე ისაუბრეს - განსაკუთრებული ყურადღება გამახვილდა უშვილო ოჯახებზე, სადაზღვევო პოლისებთან დაკავშირებულ პრობლემებზე, იმაზე, რომ არ არის ხელმისაწვდომი ნორმალური სამედიცინო მომსახურება. დაისვა ასევე მიგრაციის, ოჯახური ძალადობის მსხვერპლთა დაცვის და მათი დასაქმების საკითხიც.
შეხვედრას ხობის მუნიციპალიტეტის საკრებულოს წარმომადგენლები - კარლო ჯობავა და ლაშა ცატავა ესწრებოდნენ, რომლებმაც თავიან გამოსვლაში ისაუბრეს ისაუბრეს ქალის მნიშვნელოვან როლზე პოლიტიკაში.
ამომრჩეველ ქალთა კლუბის წევრები გაეცვნენ ფონდი სოხუმის საკანონმდებლო ინიციატივას - რომელიც ითვალისწინებს 600 ლარიანი დახმარება მიეცეს ყველა მშობიარე ქალს! მონაწილეები მიიჩნევენ, რომ აღნიშნული კანონ-პროექტი იქნება სტიმული ქალბატონებისათვის მეტი შვილი გააჩინონ!
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED) | 
