|
ინფორმაციულად საკმაოდ დატვირთული იყო ხონის ამომრჩეველ ქალთა კლუბის შეხვედრა. კლუბის წევრებმა ვრცელი ინფორმაცია მიიღეს ამერიკის საელჩოს მიერ დაფინანსებულ ახალ პროექტზე, რომელიც მიზნად ისახავს იგპ ქალთა ადგილობრივ მოსახლეობასთან ინტეგრაციას, ადგილობრივ ხელისუფლებასთან თანამშრომლობას გენდერული მონიტორინგის გზით.
კლუბის წევრები კიდევ ერთხელ გაეცნენ ფონდი „სოხუმის" საკანონმდებლო ინიციატივებს:
- 600 ლარიანი დახმარება მშობიარე ქალებს
- 1000 ლარიანი დახმარება სამ და მეტ შვილზე მშობიარე ქალებს.
დისკუსიისას აღინიშნა, რომ ეს ინიციატივები ხელს შეუწყობს ქვეყნის დემოგრაფიული სურათის შეცვლას, ერის გამრავლებას.
რამდენად შესაძლებელია ამ საკითხების ადვოკატირება და ლობირება ამ საკითხებზე ისაუბრა პროექტის ასისტენტმა მირანდა გვანცელაძემ.
შეხვედრის დასასრულს კლუბის წევრებმა თეა გოლეთიანისაგან(პროექტის ასისტენტი), რომელიც ისრაელში იმყოფებოდა მოისმინეს ინფორმაცია ისრაელში მოქმედი ქალთა არასამთავრობო ორგანიზაციების მუშაობაზე.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED) | 
