...

ქუთაისის ამომრჩეველ ქალთა კლუბი თანმიმდევრულად აგრძელებს მოქალაქეთათვის აქტუალური საკითხების ადვოკატირებას. კლუბის სხდომებზე წამოჭრილი თემას - ქუთაისში საკვები პროდუქტების ხარისხის თაობაზე - ოპერატიულად გამოეხმაურა საქართველოს მომხმარებელთა ფედერაციის თავმჯდომარე, ქალბატონი მადონა კოიძე, რომელიც  3 სექტემბერს, ქუთაისის ამომრჩვეველ ქალთა კლუბის ადვოკატირების ჯგუფის წევრებს შეხვდა.

საუბარი შეეხო მომხმარებელთა ძირითად უფლებებსა და,  ზოგადად,  სამომხმარებლო კულტურას;  სწორი ინფორმაციის მნიშვნელობას სფეროში არსებულ ხარვეზებზე და არსებული პრობლემების გადაჭრის გზების ძიებას; ხარისხის კონტროლოს შესაბამისი ცენტრალური და ადგილობრივი სამსახურების არსებობის აუცილებლობას. დაისახა თანამშრომლობის პერსპექტივები ქუთაისში პურპროდუქტების ხარისხის კვლევის კუთხით.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

- როგორი იყო ადგილობრივი ხელისუფლების მხარდაჭერა, ვინ რა როლი ითამაშა კლუბზე წამოჭრილი აქტუალური პრობლემების მოსაგვარებლად - ამ კითხვებზე პასუხით ადვოკატირების ჯგუფის წევრებმა კლუბის წევრებს ერთწლიანი მუშაობის ანგარიში წარუდგნეს.

შეკრებილებმა მუშაობა დამაკმაყოფილებლად შეაფასეს და აღნიშნეს, რომ მოახერხეს სწორად განესაზღვრათ რა სახის პრობლემების მოგვარება იქნებოდა ადგილობრივ დონეზე მოგვარებადი. რამაც შედეგზე დადებითი გავლენა იქონია.

მორიგი პრობლემა, რომლის მოგვარებასაც ადვოკატირების ჯგუფის წევრები ასეთივე აქტიურობით შეეცდებიან ასეთი იქნება:  სიღარიბის ზღვარს მიღმა მყოფი ოჯახის სტუდენტებისათვის დაწესდეს საქალაქო ტრანსპორტით უფასოდ მგზავრობის შეღავთები.  

 პრობლემის მოსაგვარებლად თანამშრომლობა ადგილობრივ მთავრობასთან მომავალშიც გაგრძელდება.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

„აუცილებელია სწორი პოლიტიკის გატარება, რათა ქალი ჩაერთოს ქვეყანაში მიმდინარე ყველა დემოკრატიულ პროცესებში".

„მეტი ქალის მოსვლა პოლიტიკაში არის საწინდარი ქვეყნის სტაბილურობის. მაგრამ არჩეული ქალი უნდა იყოს ავტორიტეტული და პროფესიონალი."

 ეს სიტყვები ქუთაისში გამართულ ამომრჩეველ ქალთა კლუბის შეხვედრაზე ითქვა, სადაც  ხაზგასმით აღინიშნა პარლამენტში ქალთა მოსვლის აუცილებლობა.

შეხვედრის მეორე ნაწილში მონაწილეებმა ქალაქში არსებულ სხვადასხვა პრობლემაზე ისაუბრეს. გადაწყდა, ადვოკატირების ჯგუფმა ორი პრობლემა აიღოს მოსაგვარებლად. პირველი შეეხება პროდუქტის ხარისხის შემოწმებას, რადგან ხშირად მომხმარებელმა არ იცის რამდენად ხარისხიანია ბაზარზე გასაყიდად გამოტანილი პროდუქტი.

მეორე პრობლემა საღამოს საათებში ქალაქში არსებულ შიდა ტრანსპორტის დეფიციტს შეეხება.

ადვოკატირების ჯგუფი ორივე პრობლემის მოგვარებას ადგილობრივ თვითმმართველობასთან თანამშრომლობით შეეცდება.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ამომრჩეველ ქალთა კლუბი ბათუმში აქტიურად აგრძელებს მუშაობას. კლუბის წევრებმა ნათია კიკვაძისა და ეთერ დიასამიძის ანგარიში მოისმინეს, ადვოკატირების ჯგუფმა მერიის დაფინანსებით, თამარის დასახლებაში, რამდენიმე მაღალკორპუსიან ბინაში ლიფტების მუშაობა განაახლა.

შეხვედრას ესწრებოდა ბათუმის საკრებულოს წევრი ნაზიბროლა ქობულაძე, რომელიც ქრისტიან-დემოკრატიული პარტიის წევრია. აღინიშნა, რომ პარტიებმა სერიოზული ყურადღება უნდა მიაქციონ წინასაარჩევნო სიებში გენდერული ბალანსის დაცვას, რათა მომავალში ქალთა საკითხები გახდეს უფრო პრიორიტეტული.

კლუბის მუშაობა გადაიღო ჟურნალისტმა მარინე კუპრეიშვილმა, სიუჟეტი აგილობრივი მედიის საშუალებით გაშუქდა.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)