...

ოზურგეთის დემოკრატიის ჩართულობის ცენტრში ამომრჩეველ ქალთა კლუბის შეხვედრა ჩატარდა.

ამომრჩეველ ქალთა კლუბის წევრები, რომელთა შემადგენლობაშიც არიან  ჟურნალისტები, პედაგოგები, ადგილობრივი თვითმმართველობის წარმომადგენლები, გაეცნენ ინფორმაციას პროექტის შესახებ და სამომავლო გეგმებზე ისაუბრეს.

ადვოკატირების ჯგუფს ახალი წევრებიც დაემატნენ, რომლებიც საერთო გადაწყვეტილებით, კლუბის წევრთა მიერ დასმულ  აქტუალურ საკითხებზე იმუშავებენ. მონაწილეებმა ორი ძირითადი პრობლემა დაასახელეს, რომლებიც ოზურგეთის მე-4 და მე-8 ბაგა-ბაღებში სათამაშობის არქონას და სპორტ-დარბაზში შესასრულებელ სარემონტო სამუშაოებს შეეხებოდა.

შეკრებილელებმა მრავალშვილიანი ოჯახების საკითხიც დასვეს. ითქვა. რომ ეს ოჯახები განსაკუთრებულ გასაჭირში არიან და სოციალურ დახმარებას საჭიროებენ. ამ მიზნით, ამომრჩეველ ქალთა კლუბი მომავალში  სპეციალური ჯგუფის შექმნას გეგმავს, რომელიც ასეთი ოჯახების მდგომარეობას შეისწავლის და მათი პრობლემების ადვოკატირებას ადგილობრივ ხელისუფლებასთან თანამშრომლობით შეეცდებიან.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ნოემბრიდან ამომრჩეველ ქალთა კლუბებმა მუშაობა განაახლეს. პირველი შეხვედრა  წყალტუბოში,  ფონდი  „სოხუმის" ქალთა მხარდაჭერის ცენტრში გაიმართა. კლუბის შემადგენლობას ახალი წევრები - აფხაზეთიდან დევნილი ქალბატონები დაემატნენ.

შეკრებილები გაეცნენ პროექტის მიზნებსა და ამოცანებს,ისაუბრეს მთელი წლის განმავლობაში  ჩასატარებელ ღონისძიებებზე.

კლუბის წევრები იმედოვნებენ, რომ მათი მომავალი საქმიანობა უფრო აქტიური და ნაყოფიერი გახდება. ქალბატონები მზად არიან აქტიურად ჩაერთონ ადვოკატირების ჯგუფის მუშაობაში. მიაჩნიათ, რომ ჯერ კიდევ ბევრია ადგილობრივ დონეზე გადასაჭრელი პრობლემები, რომლის გადაჭრასაც ადგილობრივი თვითმმართველობის სტრუქტურებთან თანამშრომლობით შეეცდებიან.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

შეხვედრაზე ერთწლიანი მუშაობის შეჯამება გაკეთდა. კლუბის წევრებმა განვილილი ერთი წელი დადებითად შეაფასეს.

- კლუბის წყალობით გავიმდიდრეთ ცოდნა, შევიძინეთ ახალი მეგობრები.

წლის განმავლობაში ვმსჯელობდით ადგილობრივი მოსახლეობის პრობლემებზე და მათი გადაჭრის გზებზე. რამდენიმე მათგანის გადაჭრაც კი შევძელით, რაშიც ფონდი "სოხუმის" მიერ ჩატარებულ ტრენინგებზე შეძენილი უნარ-ჩვევები  (ადვოკატირების თემაზე) დაგვეხმარა - იზოლდა ხასია.

-ვისურვებდი, კლუბმა მომავალშიც განაგრძოს თავისი არსებობა. რაც ქალთა გააქტიურებას და ადგილობრივი მოსახლეობის პრობლემების ადვოკატრებას  შეუწყობს ხელს.

 პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ინფორმაციების გაცვლითა და გამოცდილების გაზიარებით დაიწყო ფოთში ჩატარებული ამომრჩეველ ქალთა კლუბი. კლუბის წევრებმა ერთწლიან მუშაობას ნაყოფიერი და საქმიანი უწოდეს.

შეხვედრას ფოთის აღმოსავლური ორთაბრძოლების სპორტსმენები დაესწრნენ. აღსანიშნავია, რომ აღმოსავლური ორთაბრძოლების ფედერაციის პრეზიდენტი ფოთში -  დარეჯან ცხვიტარია, ამომრჩეველ ქალთა კლუბის აქტიური წევრია. ის რამდენიმე წელია თანამშრომლობს ფონდ "სოხუმთან", მისი აქტიურობით არაერთი ადგილობრივი პრობლემა დაისვა ადგილობრივი თვითმმართველობის დონეზე და გადაიჭრა კიდეც. სპორტსმენები ამომრჩეველ ქალთა კლუბის ერთწლიან მუშაობას გაეცნენ. აღნიშნეს, რომ მიესალმებიან ქალთა აქტიურობას როგორც პოლიტიკაში, ასევე სხვა სფეროებში, მათ შორის სპორტის ყველა სახეობაში.

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

ინფორმაციების გაცვლითა და გამოცდილების გაზიარებით დაიწყო ფოთში ჩატარებული ამომრჩეველ ქალთა კლუბი. კლუბის წევრებმა ერთწლიან მუშაობას ნაყოფიერი და საქმიანი უწოდეს.

შეხვედრას ფოთის აღმოსავლური ორთაბრძოლების სპორტსმენები დაესწრნენ. აღსანიშნავია, რომ აღმოსავლური ორთაბრძოლების ფედერაციის პრეზიდენტი ფოთში -  დარეჯან ცხვიტარია, ამომრჩეველ ქალთა კლუბის აქტიური წევრია. ის რამდენიმე წელია თანამშრომლობს ფონდ "სოხუმთან", მისი აქტიურობით არაერთი ადგილობრივი პრობლემა დაისვა ადგილობრივი თვითმმართველობის დონეზე და გადაიჭრა კიდეც. სპორტსმენები ამომრჩეველ ქალთა კლუბის ერთწლიან მუშაობას გაეცნენ. აღნიშნეს, რომ მიესალმებიან ქალთა აქტიურობას როგორც პოლიტიკაში, ასევე სხვა სფეროებში, მათ შორის სპორტის ყველა სახეობაში. 

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)