...

ამომრჩეველ ქალთა ლიგის წევრებმა ფონდი "სოხუმის” იურისტებთან ერთად კიდევ ერთხელ ისაუბრეს ქალთა პრობლემებზე რომელთა მოგვარებაც საჭიროებს გარკვეულ საკანონმდებლო ცვილებებს.

ფორუმზე მოწვეულმა დასავლეთ საქართველოს 8 ქალაქის წარმომადგენლებმა, უამრავ პრობლემათა შორის შეარჩიეს ორი - დეკრეტული შვებულების გაზრდა ერთ წლამდე და უფასო მშობიარობა. იურისტების რეკომენდაციით მათზე მუშაობა ყველაზე რეალური იქნება.

მონაწილეებმა ისაუბრეს დასმული პრობლემების გადაჭრის მნიშვნელობაზე და მოსალოდნელ შედეგებზე.

„გმადლობთ ოთხწლიანი საინტერესო მუშაობისათვის. თქვენ ბევრ შთამბეჭდავ შედეგს მიაღწიეთ და მწამს, უფრო მეტი აქტიურობით გააგრძელებთ მუშაობას ქალთა მხარდაჭერისა და განვითარებისათვის"- ამ სიტყვებით დაემშვიდობა ფონდი „სოხუმის" თანამშრომლებს კვინას კოორდინატორი საქართველოში ანიკა კარლსონი.

ახალი წლიდან მას ახალი კოორდინატორი მარია ვირდე ჩაენაცვლება. ფონდში სტუმრობისას ის ინტერესით გაეცნო ორგანიზაციის საქმიანობას და კვინას მხარდაჭერით განხორციელებული პროექტების მიმდინარეობას.

დასასრულს, სტუმარმა ასეთი სიტყვებით მიმართა ფონდელებს: „მოხარული ვარ თქვენთან შეხვედრით. მაქვს ინფორმაცია, რომ ერთ-ერთი წარმატებული ორგანიზაცია ხართ. თქვენთან პირველმა ვიზიტმა ჩემზე დიდი შთაბეჭდილება მოახდინა. მიხარია, რომ დღეიდან უფრო აქტიურად ვითანამშრომლებთ მშვიდობის მშენებლობისა და დემოკრატიის პროცესებში ქალთა აქტიურობის გასაზრდელად".

ფონდი „სოხუმი" მუშაობას იწყებს ახალ პროექტზე „იგპ ქალთა ადგილობრივ საზოგადოებაში ინტეგრაციის ხელშეწყობა ადგილობრივი ხელისუფლების საქმიანობის მონიტორინგში მათი ჩართვის გზით".

პროექტი ხორციელდება საქართველოში ამერიკის საელჩოს მხარდაჭერით. მისი მიზანია იგპ ქალთა მობილიზაცია და მათი ადგილობრივ თემში ინტეგრაცია  იმერეთის რეგიონში  ადგილობრივი ხელისუფლების  გენდერული პოლიტიკის მონიტორინგის გზით.

29 ოქტომბერს ფონდ „სოხუმში" ახალი პროექტის პრეზენტაცია გაიმართა, რომელსაც ესწრებოდნენ ლიდერი ქალები, აქტივისტები, პროექტში ჩართული პირები, არასამთავრობო ორგანიზაციებისა და სამთავრობო სტრუქტურის წარმომადგენლები.  

პრეზენტაციას დაესწრნენ სტუმრები ამერიკის სელჩოდან: კენტ ლოგსდონი (მისიის უფროსის მოადგილე), სინტია ვიტლსეი (საზოგადოებრივი საქმეების უფროსი), სოფი ბზიშვილი  (საზოგადოებრივი საქმეების განყოფილების წარმომადგენელი).

გამომსვლელებმა ისაუბრეს პროექტის მიზნებსა და ამოცანებზე, დაგეგმილ აქტივობებზე. რა წარმატებები შეიძლება მოიტანოს აღნიშნულმა პროექტმა და რამდენად შეუწყობს იგი ხელს   იგპ ქალთა მობილიზაციას და ადგილობრივ თემში ინტეგრაციას.

პროექტი ხორციელდება საქართველოში აშშ-ს საელჩოს მხარდაჭერით.

ფონდი „სოხუმი" აგრძელებს დევნილთათვის გარემონტებული ბინების მონიტორინგს.

ოქტომბერში, ქუთაისში, ლეჟავას ქუჩა №13 -ში მდებარე(ყოფილი კომისარიატის შენობა) შენობის მონიტორინგი ჩატარდა. სახლის რეაბილიტაცია მოახდინა შპს „თეგეტა უნივერსალმა". სულ 10 ოჯახი ცხოვრობს. დევნილები საცხოვრებლით კმაყოფილები არიან. თავიდან იყო ხარვეზები, რომელიც შემდეგ სამშენებლო ფირმამ გამოასწორა. დღემდე პრობლემაა სარდაფი, სადაც წყალი გროვდება. რამდენჯერმე მოხდა მისი ამოტუმბვა, მაგრამ წყალი ისევ დგება.

მონიტორინგი ჩაუტარდა ნიკეას ქუჩა №19-ში მდებარე საბავშვო ბაღის შენობას. მოსახლეობა რემონტით კმაყოფილია, მაგრამ დიდი ნაწილი ფართის არასწორად განაწილების გამო გამოთქვამს პრეტენზიებს. 

ამავე თვეში მონიტორინგი ჩაუტარდა ჭონქაძის ქ.№52-ში  მდებარე „სათაფლიის" შენობას. შენობის სახურავზე არაა გაკეთებული წყლის სადინარები, რის გამოც წვიმის წყალი ოთახებში ჩაედინება.

რაც შეეხება შენობის შიდა სარემონტო სამუშაოებს, მოსახლეობა კმაყოფილია.

პროექტი ხორციელდება საერთაშორისო ორგანიზაცია "შერიგების რესურსების” (დიდი ბრიტანეთი) მხარდაჭერით.