ქუთაისის დევნილთა კოლექტიურ ცენტრებში ფონდი „სოხუმის“ იურისტმა 6 საინფორმაციო შეხვედრა ჩაატარა. 51 მონაწილემ მიიღო ინფორმაციები სხვადასხვა თემაზე.
იურისტის საინფორმაციო შეხვედრა ჩატარდა ქუთაისის მერვე საბავშვო ბიბლიოთეკაში. მოხდა ოჯახში ძალადობის სახეების და მისი პრევენციის განხილვა. ყურადღება გამახვილდა მოსწავლეებისა და მასწავლებლების უფლებებსა და მოვალეობებზე.
თვის განმავლობაში გაიცა იურიდიული კონსულტაციები სხვადასხვა საკითხზე, დაიწერა განცხადებები მოქალაქეების საჭიროებებისა და პრობლემების თაობაზე და გაიგზავნა შესაბამის ორგანოებში.
პროექტიხორციელდებაორგანიზაცია Brot für die Welt – Evangelischer
თებერვლის თვეში მობილიზაციის შეხვედრები ჩვეული თანმიმდევრობით ჩატარდა ქალთა მხარდაჭერის ცენტრებში: ქუთაისი, წყალტუბო, ხონი, სენაკი, ფოთი, ხურჩა (ზუგდიდი).
შეხვედრებზე საუბარი იყო ოჯახში ძალადობის გასული წლის სტატისტიკაზე, რომელიც შინაგან საქმეთა სამინისტრომ განათავსა საიტზე. ასევე მონაწილეებმა მიიღეს ინფორმაცია ძალადობის წინააღმდეგ მიმართულ კანონში მიმდინარე ცვლილებებზე.
შეხვედრები ჩატარდა სოფლებშიც: კოკი, ივანდიდი, ბათარია...
პროექტიხორციელდებაორგანიზაცია Brot für die Welt – Evangelischer
23 თებერვალს ჩატარდა იურისტის საინფორმაციო-საკონსულტაციო შეხვედრა ქუთაისის, ერთ-ერთ კოლექტიურ ცენტრში („ჩვილ ბავშვთა სახლი“). სხვა დევნილებთან შედარებით მათ ნორმალური საცხოვრებელი პირობები აქვთ: გარემონტდა გარეთა ფასადი, ჩასმულია ახალი ფანჯრები, ყველას დაურიგეს გაზის გამათბობელი. პრობლემას წარმოადგენს იმ ფართების დაკანონება, რომელშიც ცხოვრობენ.
მონაწილეებს ჰქონდათ შეკითხვები პენსიის დანიშვნის პროცედურების შესახებ, ომის ვეტერანის უფლებების და პრივილეგიების, განქორწინების და ალიმენტის დანიშვნის შესახებ. შეხვედრაზე მონაწილეებს მიეწოდა მათთვის საინტერესო ინფორმაციები.
მოქალაქეებთან ერთად დაიწერა ერთობლივი განცხადებები სხვადასხვა ინსტანციაში სხვადასხვა პრობლემასთან დაკავშირებით.
სენაკის გენდერული საკონსულტაციო საბჭოს მე-14 სხდომაზე მოწვეულნი იყვნენ საბავშვო ბაღების გამგეები და ხელი მოეწერა ურთიერთთანამშრომლობის მემორანდუმს გენდერულ საკონსულტაციო საბჭოსა და სკოლამდელი დაწესებულებების გაერთიანებას შორის.
მემორანდუმის ხელმოწერამ საფუძველი დაუდო აქტიურ თანამშრომლობას გენდერულ საკონსულტაციო საბჭოსა და საბავშვო ბაღებს შორის მინი-პროექტის ფარგლებში.
თებერვლის ბოლოს გენდერული საკონსულტაციო საბჭო გეგმავს 3 ვორკშოპის ჩატარებას 1-ლ საბავშვო ბაღში ეკო-სანიტარიის, გენდერისა და ძალადობის თემებზე.
გაერთიანების ხელმძღვანელმა ალექსანდრე ჯანჯღავამ ხაზი გაუსვა იმას, რომ მათი მხრიდან მხარდაჭერა დიდი იქნება და ნაყოფიერი თანამშრომლობის იმედი გამოხატა.
სხდომაზე მოისმინეს შედეგები ადრე დასმული პრობლემების თაობაზე. აღინიშნა, რომ კოლექტიურ ცენტრ „ეგრისში“ უკვე გაიწმინდა საკანალიზაციო სისტემა. გაიმართა დისკუსიები სხვადასხვა საკითხსა და საპროექტო იდეებზე.
ტრადიციული შეხვედრა ოზურგეთის მედიის წარმომადგენლებთან ოზურგეთის გენდერის მედიაცენტრში გაიმართა. ძირითადი აქცენტი გაკეთდა გენდერული საკონსულტაციო საბჭოს მუშაობაზე, ინიციატივებზე. საბჭოს თავმჯდომარის მოადგილემ, მუნიციპალიტეტის საკრებულოს დეპუტატმა ლალი სიჭინავამ შეკრებილებს მოუთხრო პროექტზე „ახალგაზრდები გენდერული პოლიტიკის მხარდასაჭერად“. პროექტი ქალაქის სკოლებში განხორციელდა და ახალგაზრდული ფორუმით დასრულდა. სულ მალე, საკრებულოს მხარდაჭერით, მუშაობა გაგრძელდება სოფლის სკოლებში. ეს ნიშნავს უფრო მეტი ახალგაზრდის გენდერული ცნობიერების ამაღლებას და გააქტიურებას.
ოზურგეთელი ჟურნალისტები კვლავაც მზად არიან, გააშუქონ გენდერული საბჭოს აქტიური საქმიანობა, ადგილობრივი პროექტების მიმდინარეობა და საზოგადოებას დაანახონ მიღებული შედეგები.
იმ საღამოსვე ჩვენი პარტნიორი ტელეარხის „გურიის“ ეთერში გავიდა სიუჟეტი ამ შეხვედრის შესახებ.
20 თებერვალს ქ. ბათუმის N2 საჯარო სკოლაში მოეწყო შეხვედრა „თაობათა დიალოგი“ - მწერალთა კავშირის წევრს, სამედიცინო-ეკოლოგიური ინსტიტუტის და აიპ აჭარის ექიმთა გაერთიანებული საზოგადოების დამფუძნებელს, ქ .ბათუმის საკრებულოს წევრს, პროფესორ რამაზ სურმანიძესა და სკოლის უფროსკლასელებს შორის. შეხვედრას ესწრებოდა სკოლის დირექტორი მარიზა აბაშიძე.
შეხვედრამ ემოციურად, საინტერესო დისკუსიებით ჩაიარა და თაობათა შორის ინფორმაციისა და გამოცდილების გაცვლის, კულტურული დიალოგის აუცილებლობა კიდევ ერთხელ გამოკვეთა.
„შეიძლება, ამდენი სითბო, სიყვარული საკუთარ ოჯახშიც კი ვერ მივიღოთ“ -ასე აღწერა თავისი განწყობა ერთ-ერთმა მოზარდმა.
ბატონმა რამაზმა სკოლის ბიბლიოთეკას თავისი წიგნები გადასცა საჩუქრად.
შეხვედრის მონაწილეებმა მადლობა მოახსენეს ლამაზი და საინტერესო დღისათვის!
პროექტიხორციელდებააშშ სახელმწიფო დეპარტამენტის მხარდაჭერით
16-18 თებერვალს №№1, 11, 13, 23, 30 საბავშვო ბაღებში პროექტის „ადგილობრივი ხელისუფლების პოლიტიკის შეცვლა გენდერულ ბიუჯეტირებასთან მიმართებაში“ ფარგლებში ჩატარდა საინფორმაციო შეხვედრა (პროექტს ახორციელებს ფონდი „სოხუმი“ ქუთაისის გენდერული საკონსულტაციო საბჭოსთან ერთად ჩეხეთის დამოუკიდებელი სოციალურ-ეკოლოგიური მოძრაობის NESEHNUTI მხარდაჭერით).
ჩატარდა 12 საინფორმაციო შეხვედრა: თითო შეხვედრა ქუთაისის თორმეტივე მუნიციპალიტეტის თითო ბაღში ხელმძღვანელებთან, აღმზრდელებთან, მეთოდისტებთან, აღსაზრდელთა მშობლებთან. შეხვედრებზე მონაწილეებმა დააფიქსირეს საბავშვო ბაგა-ბაღების პრობლემები და საჭიროებები, გააცნობიერეს აღზრდის პროცესში გენდერული კომპონენტების დანერგვის აუცილებლობა.
