...

ფონდ „სოხუმში" ქუთაისის, წყალტუბოს, ხონის მონიტორთა ჯგუფის საინფორმაციო შეხვედრა მოეწყო. პროექტიდან გამომდინარე მონაწილეები გაეცნენ ადგილობრივი თვითმმართველობის ორგანოების საქმიანობის მონიტორინგის ჩატარების პროგრამას გენდერული ასპექტების გათვალისწინებით.

 ფონდის თავმჯდომარემ ალლა გამახარიამ მონიტორებს გააცნო  ყველა ის ეტაპები, რომელიც აუცილებელია მონიტორინგის ჩატარებისათვის. ეს ეტაპები გულისხმობს კონკრეტული პროგრამული მასალების შეგროვებას სოციალურ, სამედიცინო და საგანმანათლებლო სფეროებში, შეხვედრებს ადგილობრივი  თვითმმართველობის ორგანოების მუშაობის შეფასების თვალსაზრისით, ფოკუს-ჯგუფების, საინფორმაციო შეხვედრების ჩატარებას, მრგვალი მაგიდების დაგეგმვას საკრებულოს თავმჯდომარის, სამოქალაქო საზოგადოების, მასმედიის მონაწილეობით.

პროექტი ხორციელდება აშშ-ს საელჩოს მხარდაჭერით

ქუთაისის იგპ ქალთა ჯგუფი, პროექტიდან გამომდინარე, ქუთაისის საკრებულოს მუშაობას დაესწრო. დღის წესრიგის მიხედვით საკრებულოს სხდომაზე განიხილებოდა მოსახლეობის ელექტროენერგიით და წყლით მომარაგების საკითხი, გაზიფიცირება, ქალაქის კეთილმოწყობისა და ინფრასტრუქტურის განვითარების საკითხი. მონიტორინგის ჯგუფმა აღნიშნა, რომ საკრებულოში მხოლოდ ერთი ქალია და წამყვან ძალას მამაკაცები წარმოადგენენ.

ხონის საკრებულოს სხდომას ესწრებოდნენ ხონის იგპ ქალთა ჯგუფის წარმომადგენლები. სხდომაზე განხილულ იქნა 11 საკითხი, რომელიც ეხებოდა მუნიციპალიტეტის  გამგეობის სხვადასხვა სამსახურების დებულებების დამტკიცებას. აღსანიშნავია, რომ ხონის საკრებულოში არც ერთი წევრი ქალბატონი არ არის.

იგპ ქალთა მონიტორინგის ჯგუფის წარმომადგენლები ესწრებოდნენ წყალტუბოს მუნიციპალიტეტის საკრებულოს სხდომას. სხდომაზე უარყოფითად იქნა შეფასებული შპს „საქართველოს გაერთიანებული წყალმომარაგების სერვისცენტრის" მუშაობა, რომელმაც ვერ უზრუნველყო წყალტუბოს წყლით მომარაგების უზრუნველყოფა. განხილულ იქნა ასევე საკითხი გაუქმებული ბიბლიოთეკების შესახებ, აღინიშნა, რომ მოკლე ხანში მოხდება წიგნების გადანაწილება.  

პროექტი ხორციელდება საქართველოში აშშ-ს საელჩოს მხარდაჭერით.

- რას ნიშნავს ფემინისტური მოძრაობა, სად შეიქმნა იგი და რას ითვალისწინებს. რა მექანიზმები მუშაობს ქალთა უფლებების დასაცავად საქართველოში - ამ და სხვა საკითხებზე გამართეს მსჯელობა ახალგაზრდა გოგონებმა ქუთაისის, ხონის, სენაკის ქალთა მხარდაჭერის ცენტრებში.

აღსანიშნავია, რომ შეხვედრებს ახალი წევრებიც შეურთდნენ.

- ყოველი შეხვედრიდან ბევრი საჭირო ინფორმაცია მიგვაქვს, აქ თავისუფლად შეიძლება გამოთქვა შენი აზრი, იმსჯელო, ჩაერთო, განიხილო. ამიტომაც ყოველ შეხვედრას დიდი ინტერესით ველით. გოგონებმა აუცილებლად უნდა ვიცოდეთ რა უფლებები აქვთ ქალებს და რა მექანიზმები მუშაობს მათ დასაცავად - აღნიშნეს შეხვედრის მონაწილეებმა.

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

„38 წლისა ვარ, მაგრამ ისე გამოვიყურები, ბევრად მეტი ვჩანვარ. ჩემი მუდმივი თანამგზავრია - მოწყენილობა და შეგრძნება იმისა, რომ ყველაფერი კარგი წარსულში დარჩა. ყველა დღე თითქმის ერთმანეთსა ჰგავს, ნათელი შთაბეჭდილებებისა და ემოციების გარეშე. ჩემი გარეგნობა უკვე აღარ მაღელვებს. მთავარი ჩემთვის ბავშვებია. ოჯახური ცხოვრება და შიში ჩემი შვილების მომავალზე. როგორ დადგებიან ისინი ფეხზე, როცა ირგვლივ ასეთი გაუცხოება და სიცივეა" - ფონდი „სოხუმის" ფსიქოლოგს ხშირად უწევს მსგავსი მონოლოგების მოსმენა.

ნებისმიერი კრიზისი ვერაგი და მრავალაწახნაგოვანია., მოდით გავიხსენოთ, რომ ერთ პრობლემას, ყოველთვის ორი მხარე აქვს. როცა თქვენ რაღაც გაწუხებთ, შეხედეთ სიტუაციას მეორე მხრიდან,  აუცილებლად აღმოაჩენთ რაიმე კარგსა და დადებითს. წლებთან ერთად მოდის გამოცდილება, თვითდაჯერებულობა, განა ეს არ არის ღირებული თვისებები ამ ცხოვრებაში.

იანვარში  ქუთაისში, სხვადასხვა კოლექტიურ  ცენტრებში მცხოვრებ იგპ ქალებთან ფსიქოლოგის შვიდი შეხვედრა მოეწყო,რომელსაც 59 ქალი დაესწრო.

16-დღიანი კამპანიის ბოლო დღეს ფონდი „სოხუმის" ფსიქოლოგი ქუთაისში „წყალწითელას" დევნილთა კოლექტიურ ცენტრს ესტუმრა. შეკრებილებმა ისუბრეს ქალთა მიმართ ძალადობის ფორმებზე. მიიჩნევენ, რომ ქალი სოციალურად დაუცველია, რადგან არ არის სამუშაო,  ბაზრობებზე დგანან სიცივეში, სიცხეში, მუშაობენ სათბურებში, სეზონურად თხილის მოსაგროვებლად დადიან - ეს სამუშაოები  ქალისთვის ძალიან შრომატევადია და  ფსიქოლოგიური ძალადობის მსხვერპლნი არიან.

მონაწილეებს დაურგდათ კამპანიის ამსახველი პოსტერები, კალენდრები.