ფონდი „სოხუმის"
სატრენინგო დარბაზში პროექტ „სინერგიას" ფარგლებში ჩატარდა ტრენინგი დევნილთა კანონპროექტში ცვლილებებისა და
განსახლების კრიტერიუმების შესახებ. ტრენინგს ესწრებოდნენ იმ 6 კოლექტიური ცენტრის
წარმომადგენლები, რომლებიც ჯერაც არ არის რეაბილიტირებული. მათ მიიღეს სრული ინფორმაცია
განსახლების კრიტერიუმების შესახებ და გაიგეს, როგორ მოახდინონ თავიანთი პრობლემების
ადვოკატირება, როგორ ჩაერთონ ამ პროცესში.
ტრენინგის ბოლოს
მონაწილეებმა აღნიშნეს:
- არაფერი ვიცოდით
კრიტერიუმების შესახებ და დღევანდელმა ტრენინგმა გაგვარკვია, თუ როგორ და რის საფუძველზე
ხდება ქულების მინიჭება.
- ტრენინგი იყო
ძალიან ინფორმაციული. აქ მიღებული ცოდნა გამოგვადგება საკუთარი უფლებების დაცვაში ფართების
განაწილების დროს.
ბათუმში ჩატარდა
ტრენინგი, რომელზეც სამ სკოლაში ჩამოყალიბებული ფორუმ–თეატრების ახალბედა მსახიობებთან
ერთად რამდენიმე მსურველიც ესწრებოდა. მონაწილეთათვის საინტერესო აღმოჩნდა განხილული თემები - ძალადობა, კომუნიკაცია,
კონფლიქტოლოგია, ფორუმ–თეატრის ისტორია და მიზანი.
ტრენინგის ნაწილი
მიეძღვნა პრაქტიკულ მუშაობას. ვეთოდების მრავალფეროვნებამ, ინტერაქტილმა სტილმა ტრენინგი
საინტერესო გახადა მისი თითოეული მონაწილისთვის.
პროექტი
ხორციელდებააჭარის ავტონომიური რესპუბლიკის
განათლების, კულტურისა და სპორტის სამინისტროს მხარდაჭერით
ლიდერ გოგონათა სკოლის წევრები მორიგ ტრენინგზე
ქუთაისში, ფონდ „სოხუმში" შეიკრიბნენ. პირველი დღე საშინაო დავალების პრეზენტაციას
დაეთმო. დავალების მიხედვით, თითოეულმა მონაწილემ ვორკშოპი ჩაატარა ქუთაისში, წყალტუბოში, ხონში, სენაკში, ფოთსა და ხურჩაში.
-პრობლემები, მიღწევები, შედეგები, გავლენა - ამ
შეკითხვების პასუხები გოგონებმა ნახატებით დააფიქსირეს. პრეზენტაციას თან ახლდა ფონდი „სოხუმის" ფსიქოლოგის კომენტარები.
მონაწილეები ძირითად მიღწევად თვლიან ახალგაზრდების ინფორმირებას და მათ
მოტივაციას, უფრო მეტად გახდნენ აქტიურები.
პროდუქტიული იყო ტრენინგის მომდევნო დღეები.
მონაწილეები გაეცნენ ინფორმაციას, როგორ იგეგმება საზოგადოებრივი კამპანიები.
თეორიულ ნაწილს პრაქტიკული გაგრძელება ჰქონდა. ლიდერთა სკოლის წევრებმა
კამპანიის ეფექტურად დაგეგმვის სტრატეგია შეიმუშავეს და ძალადობის წინააღმდეგ
მიმართული 16-დღიანი კამპანიის ფარგლებში ჩასატარებელი ღონისძიებები დაგეგმეს.
ტრენინგმა კიდევ უფრო დაამეგობრა
მონაწილენი. ფონდმა „სოხუმმა" მათთვის მოაწყო ექსკურსია გელათში - ზოგისთვის ეს პირველი მიახლება იყო
უძველეს ტაძართან.
ლიდერთა სკოლის წევრებმა ტრენინგის ბოლოს განაცხადეს, რომ ბევრიმნიშვნელოვანი და საჭირო ინფორმაცია მიიღეს და აქტიურად ჩაერთვებიან16-დღიან კამპანიაში, რომელშიც ფონდი „სოხუმი" 10 წელზე მეტია,
ტრადიციულად მონაწილეობს.
20 ქალბატონი (სახელმწიფო სექტორის, სამოქალაქო საზოგადოებისა და პოლიტიკური
პარტიების წარმომადგენლები) შეიკრიბა „ქალთა
პოლიტიკური ლიდერობის სკოლის" მეორე კურსის საგანმანათლებლო ტრენინგზე.
ტრენინგი კურორტ საირმეში ჩატარდა მონაწილეებისთვის საინტერესო თემებზე:
ქალთა სამოქალაქო და პოლიტიკური მონაწილეობა; კომუნიკაცია და მასმედიასთან ურთიერთობა;
გაეროს უშიშროების საბჭოს რეზოლუცია 1325; ქალი, მშვიდობა და უსაფრთხოება.
პროექტის „ქალთა ხმების გაძლიერება გადაწყვეტილების მიღების პროცესში"
ფარგლებში ტრენინგი საერთაშორისო დონის მწვრთნელებმა ჩაატარეს. სამდღიანი მუშაობა კი
დასრულდა რეკომენდაციებისა და შემდგომი მოქმედების გეგმის შემუშავებით ადგილობრივი თვითმმართველობის
არჩევნებში აქტიური ჩართვისთვის.
საზოგადოება საჭიროებს ინფორმაციას ოჯახში ძალადობის თემაზე, ძალადობის წინააღმდეგ
არსებული მექანიზმების პრაქტიკული გამოყენებისა და სახელმწიფო და საზოგადოებრივი
ინსტიტუტების სოციალური თანამშრომლობის საკითხებზე. ეს კარგად გამოჩნდა ერთდღიან
ტრენინგებზე, რომლებიც ორგანიზაცია "World Vision" დაფინანსებით 24, 25, 26 ივლისს
ფონდი „სოხუმის" მიერ ჩატარდადიდველას, დიმის, პირველი და მეორე ობჩას, სადგური
სვირის და მეორე სვირის თემის
წარმომადგენლებისათვის .
თვითმმართველობის ტერიტორიული ერთეულების
ხელმძღვანელები, სკოლის დირექტორები, პედაგოგები, საბავშვო
ბაღების აღმზრდელები, მედიცინის სფეროს წარმომადგენლები,
აქტიური ახალგაზრდების ჯგუფები ერთხმად აღნიშნავდნენ საკითხის აქტუალობას და
მსგავსი ტრენინგების აუცილებლობას. ამას ამყარებდა მათ მიერ მოხმობილი არაერთი მაგალითი დრამატული ფინალით, რაც, მონაწილეთა შეფასებით, პირველ რიგში,
საზოგადოების, შემდეგ კი სახელმწიფოს პასუხისმგებლობას უსვამს ხაზს.
ტრენინგის დასასრულსასეთი კომენტარები გაკეთდა:
„როგორც
სკოლის დირექტორს, ძალიან მჭირდებოდა ინფორმაცია, რომელიც მივიღეთ"; „უკვე ვიცით, როგორ გამოვავლინოთ ძალადობა, როგორ
დავეხმაროთ მსხვერპლს მდგომარეობიდან გამოსვლაში. ვეცდები, ჩემი ცოდნა მეგობრებს
გავუზიარო"; „სოფლის რწმუნებულებს ხშირად გვიხდება ოჯახში ძალადობრივ კონფლიქტებში
ჩარევა. მადლობელი ვართ იმისთვის, რომ სახელმწიფო რეგულაციებისა და მათი
პრაქტიკული გამოყენების შესახებ მოგვაწოდეთ ინფორმაცია"; „კიდევ ერთხელ დავინახეთ, რა რთულია ოჯახში
ძალადობის პრობლემა, რამდენად კომპლექსური მიდგომა სჭირდება მის გადაწყვეტას,
რამდენად მნიშვნელოვანია ძალადობის პრევენცია".
ტრენინგები ინტერაქტიურ რეჟიმში, ზოგჯერ - მწვავე
დისკუსიების ფონზე მიმდინარეობდა. იყო თეორიული მასალაც, კონკრეტული ისტორიებიც და
მათი გადაწყვეტის სტრატეგიის შემუშავებაც.
განსაკუთრებული ემოციები გამოიწვია ფონდი „სოხუმის" ახალგაზრდული ფორუმ- თეატრის წარმოდგენებმა. გამოიკვეთა სასწავლო
დაწესებულებებთანმათი
სამომავლო თანამშრომლობის პერსპექტივებიც.