მთავარი »
2013 »
ივლისი »
17 » კეთილმოწყობის სამსახური მხარს დაუჭერს ქუთაისის ქალთა კლუბის ინიციატივას
22:24 კეთილმოწყობის სამსახური მხარს დაუჭერს ქუთაისის ქალთა კლუბის ინიციატივას |
 | ამჯერად
ფონდი „სოხუმის" ქუთაისის ამომრჩეველ ქალთა
კლუბმა პანელურ დისკუსიაზე მოიწვია ქუთაისის კეთილმოწყობის სამსახურის უფროსის მოადგილე
ბაკურ ხურციძე და ამავე სამსახურის
მთავარი სპეციალისტი ზურაბ კუხიანიძე.
დისკუსიის
მთავარ თემას წარმოადგენდა ქალაქში არსებული ეკოლოგიური მდგომარეობა. კლუბის წევრების
მხრიდან გამოითქვა ინიციატივა, ქალაქში ჩატარდეს მასშტაბური საინფორმაციო
კამპანია, რაც ხელს შეუწყობს მოქალაქეობრივი თვითშეგნების ამაღლებას ეკოლოგიური
სისუფთავის დაცვის კუთხით. ისინი გეგმავენ
გამოკითხვის ჩატარებას და საზოგადოებრივი აზრის შესწავლას იმასთან დაკავშირებით, თუ როლი აკისრია
თითოეულ მოქალაქეს გარემოს დაცვისა და დასუფთავების პროცესში, რამდენად საჭიროებს ცვლილებებს შესაბამისი საკანონმდებლო
ბაზა და რა ღონისძიებები შეიძლება გატარდეს პრობლემის მოსაგვარებლად.
შეხვედრის მონაწილეებმა აღნიშნეს,
რომ ამ საქმეში აუცილებელია ადგილობრივი თვითმმართველობის ჩართვა,
რათა
გამოიყოს ფინანსური რესურსები (სოციალური რეკლამების მომზადებისა და ქუჩებში საინფორმაციო
ბანერების განთავსებისთვის) და
მომზადდეს ტერიტორიის დანაგვიანებისთვის ჯარიმის დაწესების საკითხი.
მოწვეულმა სტუმრებმა მოიწონეს ინიციატივა და
დაჰპირდნენ კლუბის წევრებს,
რომ აუცილებლად განიხილავენ საინფორმაციო
კამპანიაში ჩართვის საკითხს.
პროექტი ხორციელდება
საქართველოში აშშ საელჩოს მხარდაჭერით |
|
|
კატეგორია: შეხვედრები |
ნანახია: 819 |
დაამატა: admin
| რეიტინგი: 0.0/0 |
