 | „სიმართლე გითხრათ, არ ველოდით, რომ
ჩვენი ინიციატივა ასეთ მასშტაბებს მიიღებდა, ასეთი რეზონანსული გახდებოდა და ამდენ მხარდამჭერს მოიპოვებდა", - აღიარეს ფონდი „სოხუმის" ზუგდიდის ამომრჩეველ
ქალთა კლუბის სამოქალაქო ინიციატივის ჯგუფის წევრებმა.
„ამ ეტაპზე ეკლესია და სტიქაროსნებიც
აქტიურად გვიდგანან გვერდით, რომ სამოქალაქო მონაწილეობით და ადგილობრივი ხელისუფლების
ჩართვით სასაფლაოს შემდგომი კეთილმოწყობის საკითხი გადაწყდეს. დღეიდან მედიის აქტიურ ჩართვასაც ვგეგმავთ, თუმცა ვღებულობთ შენიშვნას, რომ შეიძლებოდა, ეს ადრეც გაგვეკეთებინა. ჩვენი აქტივისტები სოციალურ
ქსელებსაც აქტიურად იყენებენ, რომ ყველას ჰქონდეს საშუალება, გაეცნოს ინიციატივას,
გამოგვეხმაუროს. დარწმუნებული ვართ, მას კიდევ ბევრი ადამიანი შემოუერთდება".
როგორც პანელურ დიალოგზე განაცხადეს თვითმმართველობის წარმომადგენლებმა, კლუბის მიერ საკითხის
დასმის შემდეგ ქალაქის ხელისუფლებამ სასაფლაოს შემოღობვამდე სანიაღვრე არხების მოწესრიგება აღიარა ერთ-ერთ ყველაზე საჩქარო საქმედ. რაც შეხება თვით ინიციატივას,
ამ ეტაპზე პროცესში დეტალების დასაზუსტებლად ქალაქის
არქიტექტურის სამსახურიც ჩაერთო.
პროექტი ხორციელდება საქართველოში აშშ საელჩოს მხარდაჭერით |
