კოკის სკოლაში (ზუგდიდის მუნიციპალიტეტი) ჩატარდა საინფორმაციო შეხვედრა, რომელსაც ესწრებოდა 15 მოსწავლე.
საქართველოში გენდერული საზოგადოების განვითარების თემაზე საუბრისას მონაწილეებმა საინტერესო პარალელები გაავლეს ტრადიციებთან და თანასწორუფლებიანი საზოგადოების შექმნასთან დაკავშირებით.
აქაური მოსწავლეები აქტიურები და კრეატიულები არიან, განსაკუთრებული დამოკიდებულება აქვთ უფროსი თაობის მიმართ და ამიტომაც გამოიჩინეს ინიციატივა: 30 მოხალისემ დედის დღე - 3 მარტი მიულოცოს სოფელ კოკის ქალბატონებს.
პროექტიხორციელდებაორგანიზაცია Brot für die Welt – Evangelischer
„ძალიან მინდა, საწყის ეტაპზე საბავშვო ბაღები იყოს გენდერული განათლების კერა“, - აღნიშნა ქუთაისის გენდერული საკონსულტაციო საბჭოს თავმჯდომარემ ირმა პეტრიაშვილმა საბჭოს მე-13 სხდომაზე.
მიღებულ იქნა გადაწყვეტილება, აღზრდის პროცესში გენდერული კომპონენტების დანერგვის მიზნით, საბჭომ მოამზადოს პროექტი სკოლამდელ დაწესებულებებში აღმზრდელთა გადამზადების კუთხით და წარადგინოს იგი თანადაფინანსებისთვის საკრებულოს სხდომაზე.
დაადგინეს, გენდერული საკონსულტაციო საბჭოს წევრებმა ჩაატარონ კვლევა, რამდენად არიან ინფორმირებულნი საბავშვო ბაღების დირექტორები, აღმზრდელები, ფსიქოლოგები სახელმწიფო სტანდარტების შესახებ სკოლამდელ დაწესებულებებში.
განხილულ იქნა ქუთაისის სკოლებში ბულინგის პრობლემის გამწვავების საკითხი და მოაზრებულ იქნა იდეები მისი პრევენციისთვის.
დაიწყო განხორციელება პროექტისა „ადგილობრივი ხელისუფლების პოლიტიკის შეცვლა გენდერულ ბიუჯეტირებასთან მიმართებაში“. უკვე ჩატარდა 7 საინფორმაციო შეხვედრა ქუთაისის ააიპ საბავშვო ბაგა-ბაღების გაერთიანების მე-7, მე-9, მე-10, მე-18, 28-ე, 33-ე და 34-ე საბავშვო ბაღების პედაგოგებთან და აღსაზრდელთა მშობლებთან.
ინფორმაციული შეხვედრების შედეგად საბავშვო ბაღების აღმზრდელებმა გააცნობიერეს აღზრდის პროცესში გენდერული კომპონენტების დანერგვის აუცილებლობა და გამოთქვეს სურვილი, აღსაზრდელთა მშობლებთან ერთად, აქტიურად ჩაერთონ მსგავს შეხვედრებსა და ტრენინგ-სემინარებში.
პროექტს ახორციელებს ფონდი „სოხუმი“ ქუთაისის გენდერული საკონსულტაციო საბჭოსთან ერთად ჩეხეთის არასამთავრობო ორგანიზაცია NESEHNUTI-ის (დამოუკიდებელი სოციალურ-ეკოლოგიური მოძრაობა) მხარდაჭერით.
ფონდი „სოხუმი“ სენაკის გენდერული საკონსულტაციო საბჭოსთან ერთად ახორციელებს პროექტს, რომელიც ითვალისწინებს მუშაობას საბავშვო ბაღების პედაგოგებთან და აღსაზრდელთა მშობლებთან ეკო-სანიტარიის, გენდერისა და ოჯახში ძალადობის საკითხებზე.
4-6 თებერვალს პროექტის ფარგლებში გენდერული საკონსულტაციო საბჭოს წევრებისთვის ჩატარდა მწვრთნელთა მოსამზადებელი ტრენინგი.
სამი დღის განმავლობაში ისინი მუშაობდნენ თემებზე: ნარჩენების მართვა, წყლის მართვა და სანიტარია, გენდერული ძალადობა, ბავშვების გენდერული განვითარება, ბავშვთა მიმართ ძალადობის ფსიქო-სოციალური ასპექტები.
ტრენინგის მონაწილეებმა შეისწავლეს აგრეთვე მწვრთნელისთვის საჭირო უნარ-ჩვევები, რომელთაც გამოიყენებენ ვორკშოპების ჩატარებისას სენაკის საბავშვო ბაღებში პედაგოგებთან და აღსაზრდელთა მშობლებთან.
პროექტი დაფინანსებულია სენაკის მუნიციპალიტეტის ადგილობრივი თვითმმართველობისა და ფონდი „სოხუმის“ მიერ.
ფონდმა „სოხუმმა“ კიდევ ერთი საინფორმაციო შეხვედრა ჩაატარა ჩოხატაურის ქუჩაზე მცხოვრებლებთან (მათ შორის სომეხი ეროვნების მოსახლეობასთან). მათ წამოაყენეს აქტუალური პრობლემები - სტიქიის შედეგად დაზიანებული სახურავების შეკეთება, გზების და გაზიფიცირების საკითხი.
შეხვედრაზე ახალგაზრდების პრობლემებიც გაჟღერდა. ითქვა, რომ არ არის ახალგაზრდების განვითარების არანაირი შესაძლებლობა - მოსახლეობა ადგილობრივ ხელისუფლებას სპორტული მოედნის, სკვერის ან სხვა გასართობი კუთხის მოწყობას სთხოვს.
არსებული პრობლემების აღმოსაფხვრელად ჩოხატაურის ქუჩის მცხოვრებლებმა განცხადებით მიმართეს ქალაქის მერს.
ქუთაისის 6 კოლექტიურ ცენტრში ჩატარდა საინფორმაციო-საკონსულტაციო შეხვედრა დევნილებთან, სადაც ესწრებოდა 45 ქალბატონი 20-დან 65 წლამდე. ფსიქოლოგს პირველად შეხვდა 11 ადამიანი.
საუბრის მთავარი თემა „იყო თვითშეფასება“ - მოსაზრება საკუთარ თავზე, რწმენა, საკუთარი „მეს“ დანახვა და დაფასება.
ჩატარდა მინილექციებია, დისკუსიები, ტესტებზე მუშაობა. ამას გარდა გაიმართა ორი ინდივიდუალური კონსულტაცია მშობლებისა და შვილების ურთიერთობებზე.
პროექტიხორციელდებაორგანიზაცია Brot für die Welt – Evangelischer
ოზურგეთის გენდერული საკონსულტაციო საბჭოს იურისტმა საინფორმაციო შეხვედრა ჩაატარა კიტა მეგრელიძის ქუჩის წარმომადგენლებთან. ეს ქუჩა ესაზღვრება სოფელ ოზურგეთს, ამ ქუჩის მცხოვრებელთა უმრავლესობას ჰყავს მსხვილფეხა საქონელი და მათთვის მნიშვნელოვანია საკუთრებაში ჰქონდეთ მიწის ნაკვეთები, სადაც სიმინდს და სხვა ერთწლიან კულტურას მოიყვანენ. მათი პრობლემა ის არის, რომ სარგებლობენ მიწით, მაგრამ არ აქვთ რეგისტრირებული საჯარო რეესტრში.
მოსახლეობას გაეწია კონსულტაცია, თუ როგორ უნდა მოახდინონ საჯარო რეესტრში მიწის რეგისტრაცია. მათ ასევე მიიღეს ინფორმაცია სამემკვიდრეო და საოჯახო სამართლის საკითხებზე.
