|
კლუბზე განიხილეს შემდეგი თემები: მასმედიის როლი სამოქალაქო ადვოკატირებაში; კანონი მოქალაქეთა პოლიტიკური გაერთიანებების შესახებ (ზოგადი დებულებების გაცნობა); კლუბის ადვოკატირების ჯგუფის მიერ შესრულებული მუშაობის შეჯამება.
თამუნა გოგიშვილმა (სამართლიანი არჩევნების კოორდინატორი იმერეთის რეგიონში) კლუბის წევრებს „კანონი მოქალაქეთა პოლიტიკური გაერთიანებების შესახებ (ზოგადი დებულებები)" - ახალი ვერსია გააცნო.
მოწვეულმა ჟურნალისტებმა ისაუბრეს მასმედიის როლზე სამოქალქო ადვოკატირების საქმეში. „მასმედიის თანამშრომლობა არასამთავრობო ორგანიზაციასა და ადგილობრივ ხელისუფლებასთან, ნებისმიერი პრობლემის ადვოკატირების დროს, ეფექტურია."- ლელა ხაჭაპურიძე.
კლუბზე შეჯამდა ადვოკატირების ჯგუფის მიერ წყალმომარაგებასთან დაკავშირებით ჩატარებული მუშაობა. აღინიშნა, რომ ამ პრობლემის მოგვარებაში ჩართულია ადგილობრივი ხელისუფლება, ქალაქის წყალმომარაგების კომპანია და სემეკი.
დასასრულს, კლუბის წევრებმა მრავალსართულიან სახლებში ნაგვის ბუნკერების პრობლემა წამოჭრეს. ბუნკერები ხელს უწყობს ვირთხების გამრავლებას და სხვადასხვა სახის ეპიდემიის გამომწვევი მიზეზი ხდება. ითქვა, რომ ქუჩებში განლაგებული ნაგვის თავღია ყუთები ზაფხულში საჭიროა დაიხუროს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED) | 
