 |
ქუთაისი, სენაკი, ხონი, კოკი, ფოთი, - ეს ის ადგილებია, სადაც ახალგაზრდა გოგონებთან ტრადიციული საინფორმაციო შეხვედრები ჩატარდა.
მონაწილეებმა აქტიურად განიხილეს კონფლიქტის არსი. გაიხსენეს ცოცხალი მაგალითები აღნიშნულ თემაზე, ღიად და გახსნილად ისაუბრეს საკუთარ შეცდომებზე, როგორ რეაგირებენ კონფლიქტურ სიტუაციებში და რა გზას მიმართავენ მის მოსაგვარებლად. ახალგაზრდების აზრით, მსგავსი ვორკშოპები ყველა ქალაქში უნდა ჩატარდეს, რათა ახალგაზრდებმა სრულყოფილად შეძლონ კონფლიქტის ანალიზი და მოახერხონ გამოსავლის პოვნა ნებისმიერი სიტუაციიდან.
შეხვედრების მომდევნო ნაწილში საუბარი გაგრძელდა ტრეფიკინგის თემაზე. ეს თემა მათთვის არანაკლებ საინტერესო აღმოჩნდა. მონაწილეთა აზრით. ყველა ქალმა უნდა იცოდეს საკუთარი უფლებები, რაც შეიძლება მეტი ინფორმაცია ჰქონდეს ტრეფიკინგზე. მიიღონ კონსულტაციები, ვის უნდა დაუკავშირდნენ ასეთ დროს, როგორ მოიპოვონ საჭირო ინფორმაციები...
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
