|
საზოგადოების ინფორმირება კვლევის - „დიალოგის პროცესი უსაფრთხოების გარანტიებზე ქართულ-აფხაზური კონფლიქტის კონტექსტში" - გარშემო" - პროექტის ფარგლებში ფონდი „სოხუმის" თანამშრომლებისათვის ვორკ-შოპი გაიმართა.
შეხვედრის მოდერატორმა ალუ გამახარიამ მონაწილეებს გააცნო ინფორმაცია ქართველი და აფხაზი ექსპერტების კვლევებზე, რომელშიც საუბარია ომის განუახლებლობისა და უსაფრთხოების გარანტიების ხელშეკრულების მნიშვნელობაზე.
მონაწილეებმა აქტიური დისკუსიის ფონზე იმსჯელეს რა პლიუსები და მინუსები შეიძლება ჰქონდეს ხელშეკრულებას ომის განუახლებლობისა და უსაფრთხოების გარანტიების შესახებ.
ვორკ-შოპის მეორე ნაწილში მონაწილეთა სამ ჯგუფში (ხელისუფლება, სამოქალაქო საზოგადოება და ექსპერტები) მუშაობა წარიმართა შემდეგ თემაზე: „დიალოგის მოდელირება საქართველოს სამოქალაქო საზოგადოების წარმომადგენლებსა და ხელისუფლებას შორის".
პრეზენტაციის შემდეგ მოხდა საკამათო საკითხების შეჯერება. მონაწილეთა აზრით აუცილებელია საზოგადოების მეტი ჩართულობა დისკუსიებში, რათა მოხდეს ჯანსაღი საზოგადოებრივი აზრის ფორმირება აღნიშნული საკითხის გარშემო. | 
