წყალტუბოს ცენტრალურ პარკში 7 წარმოდგენა გაიმართა. 30-მდე ადამიანი ესწრებოდა, უმეტესობა - მამაკაცები (მათ შორის - დამსვენებლები აზერბაიჯანიდან, რომელთაც მიიღეს მოკლე ინფორმაცია ფონდი „სოხუმისა“და ფორუმ-თეატრის შესახებ).
დისკუსია პირველი წარმოდგენის შემდეგ გააქტიურდა.
ერთ-ერთმა მონაწილემ, გიორგიმ აღნიშნა: „მე საჯაროდ ამ პრობლემის გამოტანას არ ვეთანხმები. ცოლ-ქმარი იჩხუბებს, მორიგდება და მესამე პირი დამნაშავე იქნება. დასანგრევად განწირული ოჯახი კი მაინც დაინგრევა“.
რა თქმა უნდა, იყო საპირისპირო მოსაზრებებიც.
პროექტიხორციელდებაორგანიზაციაBrot für die Welt – Evangelischer
ფონდი „სოხუმის“ ფორუმ-თეატრის წარმოდგენები ჩატარდა ქუთაისის ახალგაზრდულ პარკში, ნაჩვენები იყო 7 წარმოდგენა, მათგან 5 ახალი წარმოდგენა.
ერთ-ერთმა წარმოდგენამ გამოიწვია საიტერესო და აქტიური დისკუსია. ნაჩვენები იყო ძალადობა ქალზე, რომელიც სამუშაოდ ხვდება მდიდრების ოჯახში.
მაყურებელმა ქალებმა ბევრი მსგავსი შემთხვევა გაიხსენეს. ისინი მესამე პირში საუბრობდნენ, მაგრამ რამდენიმე ქალი ისე განიცდიდა, აშკარა იყო, რომ საკუთარ ისტორიას ყვებოდა.
პროექტიხორციელდებაორგანიზაციაBrot für die Welt – Evangelischer
...მიმდინარეობს წარმოდგენა „ძალადობა ოჯახში“. ამ დროს პარკთან ჩაიარა ქალბატონმა, რომელსაც ნამდვილი ჩხუბი ეგონა და დაიწყო ყვირილი: „რას დგახართ? რას უყურებთ? გააშველეთ!“ როცა მიხვდა, რომ ეს დადგმული სცენა იყო, ბევრი იცინა.
ფონდი „სოხუმის“ ფორუმ-თეატრმა ქუთაისში, ნინოშვილის პარკში გამართულ წარმოდგენებზე შემოიკრიბა მაყურებელი, რომელმაც 6 სცენა ნახა.
„საინტერესო, რეალური და საჭირო საზოგადოებისთვის, განსაკუთრებით ახალგაზრდებისთვის“, - ასე შეაფასა მაყურებელმა ფორუმ-თეატრის მუშაობა.
პროექტიხორციელდებაორგანიზაციაBrot für die Welt – Evangelischer
ქუთაისის ცენტრში, სიყვარულის პარკში ჩატარდა ფონდი „სოხუმის“ ფორუმ-თეატრის 7 წარმოდგენა, მათგან 4 ახალი იყო. რაც ეხება ჩართულობას, მაყურებლებმა ვერ გაბედეს ღია ცის ქვეშ თამაში, მაგრამ დისკუსია საინტერესო აღმოჩნდა. მაყურებელი დიდხანს იყო შთაბეჭდილების ქვეშ, მსახიობების თამაშით განსაკუთრებული აღტაცება გამოხატეს უფროსი თაობის წარმომადგენლებმა.
პროექტიხორციელდებაორგანიზაციაBrot für die Welt – Evangelischer
07.04.14 - აფხაზეთის ჟიული შარტავას სახელობის მე-6 სკოლაში (ქუთაისი) ფორუმ-თეატრმა 8 წარმოდგენა გამართა. მას თან სდევდა დისკუსია, მასწავლებელთა აქტიურობა.
საინტერესო იყო ეჭვიანობის სცენა, რომელშიც მონაწილეობა მიიღო 4 მოსწავლემ.
ახალგაზრდებმა მოიყვანეს ცხოვრებისეული მაგალითები - სწორედ ასეთი მაგალითებით იქმნება ფორუმ-თეატრის ახალი სცენები.
16.04.14 - ფორუმ-თეატრის წარმოდგენები ჩატარდა ხონის ქალთა მხარდაჭერის ცენტრში.
გათამაშდა 5 სცენა, მათ შორის ახალი სცენები და დისკუსიაც საინტერესოდ წარიმართა.
მაყურებელთა დიდი ინტერესი გამოიწვია მამისა და ბიჭის დამოკიდებულებამ ოჯახში.
ბიჭების დიდმა ნაწილმა სცენებში საკუთარი თავი დაინახა.
პროექტიხორციელდებაორგანიზაციაBrot für die Welt – Evangelischer
ფონდი „სოხუმის“ ფორუმ-თეატრი ქუთაისის 23-ე სკოლაში გამართა წარმოდგენები.
ნაჩვენები იყო 8 სცენა, აქედან - 4 ახალი.
მოსწავლეები აქტიურად ჩაერთნენ, გაიმართა საინტერესო დისკუსია.
„ეს სანახაობა ბევრ რამეზე გვაფიქრებს, როგორ ვიცხოვროთ, როგორ ვცეთ პატივი უფროსებს, როგორ ვომოქმედოთ კონკრეტულ ვითარებაში. მომწონს და ბევრ რამეს ვითვალისწინებ“, - აღნიშნა ერთმა მაყურებელმა.
პროექტიხორციელდებაორგანიზაციაBrot für die Welt – Evangelischer
- ეს არის ძალიან კარგი მეთოდი, დაანახო მაყურებელს
ჩვენი საზოგადოების სენი, ძალადობა,
გულგრილობა, ამპარტავნობა, უფროსების მიმართ უპატივცემულობა, რომელიც
ასე შემოიჭრა ჩვენში, - ასეთი იყო
მასწავლებელთა შეფასება.
მოსწავლეებიც კმაყოფილები იყვნენ ნანახითა და
გაგონილით. წყალტუბოს №1 საჯარო სკოლაში ფონდი „სოხუმის" ფორუმ-თეატრმა გამართა
შეხვედრა, წარმოადგინეს 5 სცენა, აქედან 3 ახალი.
მაყურებელთა რაოდენობა 50-მდე იყო. ისინი აქტიურად
ჩაერთნენ დისკუსიაში.
სკოლის დირექციის თხოვნით კიდევ დაიგეგმა შეხვედრა, რომელსაც არა მარტო 1-ლი,
არამედ მე-2 და მე-3 სკოლების მოსწავლეებიც დაესწრებიან.
პროექტიხორციელდებაორგანიზაციაBrot für die Welt –
Evangelischer
