ბათუმში გაიმართა გენდერული საკონსულტაციო საბჭოს მორიგი სხდომა. სხდომაზე განიხილეს ადგილობრივი გენდერული პოლიტიკის რეალიზაციის სამოქმედო გეგმის პროექტი, რომელიც საკრებულოსა და მერიას უახლოეს დღეებში წარედგინება გასაცნობად.
შეხვედრაზე დამტკიცდა საბჭოს მოხალისეობრივი პროექტი, რომლითაც ქალთა მიმართ გენდერული ძალადობის წინააღმდეგ კამპანიის გაგრძელება იგეგმება. საბჭოს წევრები ჩაატარებენ საინფორმაციო შეხვედრებს ადგილობრივი აღმასრულებელი ხელისუფლების წარმომადგენლებთან, ახალგაზრდებთან, თემის აქტიურ წევრებთან, გავრცელდება საინფორმაციო ფურცლები, რომელიც ხელმისაწვდომს გახდის ოჯახში ძალადობის პრობლემაზე საბაზისო ინფორმაციას, ჩატარდება მრგვალი მაგიდა, რადიოგადაცემები. საბჭოს პროექტში ჩაერთვება ფონდის ახალგაზრდული ფორუმ-თეატრი, რომელიც ძალადობის პრობლემაზე საზოგადოებრივი დისკუსიების ინიცირებას შეუწყობს ხელს.
პროექტიხორციელდებააშშ სახელმწიფო დეპარტამენტის მხარდაჭერით
ლიდერ გოგონათა სკოლის წევრების ორგანიზებით სენაკსა და წყალტუბოში ნახატების გამოფენა მოეწყო.
აფხაზეთის ავტონომიური რესპუბლიკის მე-7 საჯარო სკოლაში (სენაკი) ღონისძიებაში მონაწილეობდნენ მესამე და მეოთხე კლასების მოსწავლეები, წყალტუბოს პირველ სკოლაში კი - მერვეკლასელები.
გამოფენებმა თვალნათელი გახადა ბავშვების თვალით დანახული ძალადობა და მშვიდობა.
რადიო „რიონის“ სტუდიაში მოწვეულმა ფონდი „სოხუმის“ წარმომადგენლებმა და მათმა პარტნიორებმა 16-დღიანი კამპანიის მნიშვნელობასა და შედეგებზე საუბრობდნენ:
„კამპანიაში ჩართულობის მაღალი ხარისხი პროტესტმა განაპირობა ქალთა გახშირებული მკვლელობების მიმართ“, „განსაკუთრებული ყურადღება მივაქციეთ მუშაობას ახალგაზრდებთან. მათ ძალიან სჭირდებათ დისკუსიები ჯანსაღ კომუნიკაციებზე. სერიოზულად დაიწყო საუბარი სკოლაში გენდერის, ფსიქოლოგიის კურსის შემოღებაზე“. „კიდევ ერთხელ გამოიკვეთა, რომ არ არის თანამშრომლობა მათ შორის, ვისაც ძალადობაზე რეაგირების პასუხისმგებლობა გააჩნია“. „გვიხარია, რომ ჩვენი დაჟინებული რეკომენდაციები სტრუქტურათშორისი ინფორმაციის გაცვლის აუცილებლობაზე შინაგან საქმეთა სამინისტროს პოლიტიკას ემთხვევა“.
გადაცემამ იმ შედეგებზეც გაამახვილა ყურადღება, რაც ადგილობრივ ხელისუფლებასთან თანამშრომლობას მოყვა.
პროექტიხორციელდებაორგანიზაცია Brot für die Welt – Evangelischer
