კიდევ ერთხელ გაკეთდა ინფორმაცია ქალთა მიმართ ძალადობის წინააღმდეგ 16-დღიანი მსოფლიო კამპანიის შესახებ. კლუბის წევრებმა აღნიშნეს: „ ოცდახუთ ნოემბერს ჩავერთეთ მასობრივ აქციაში და ამ გზით უარი ვუთხარით ძალადობას!"
კლუბის ადვოკატირების ხუთკაციანმა ჯგუფმა საზოგადოებისათვის აქტუალური პრობლემები დაასახელა. მთავარი პრობლემა საბავშვო ბაგა-ბაღებში არსებული მაღალი გადასახადია. ასევე დაისვა გაზიფიცირებისა და ამბულატორიის გახსნის საკითხი. შეხვედრის მონაწილე დევნილი ქალები აცხადებენ,რომ ამ უკანასკნელი პრობლემის ადვოკატირება არაერთხელ სცადეს, თუმცა უშედეგოდ.
შეხვედრის ბოლოს მონაწილეებმა აღნიშნეს,რომ ამომრჩეველ ქალთა კლუბის წევრების საარჩევნო კომისიის წევრებად თუ დამკვირვებლებად ჩართვას ისურვებდნენ.
ქალთა მიმართ ძალადობის 16-დღიანი საერთაშორისო კამპანიის ფარგლებში ლუქსემბურგის ქუჩაზე (ყოფილი საბავშვო ბაღი №30)აფხაზეთიდან დევნილებით ჩასახლებულ კოლექტიურ ცენტრში ფსიქოლოგთან შეხვედრას 21-დნ 47-წლამდე ასაკის ცხრა ქალი ესწრებოდა. მონაწილეებს კიდევ ერთხელ მიეწოდათ ინფორმაცია კამპანიის შესახებ, შემდეგ კი გაიმართა მსჯელობა თემაზე: „რატომ უნდა უყვარდეს ქალს საკუთარი თავი".
ფსიქოლოგის რჩევა: „ძვირფასო, ქალებო, უპირველესად - ვიყოთ ბუნებრივები, არ დავფაროთ ჩვენი ძლიერი თუ სუსტი მხარეები. თუ საჭიროა, მოუყევით მამაკაცს თქვენს ღელვაზე, შფოთვასა და შიშზე. რატომღაც ძლიერი ქალები ხშირად ამის უფლებას თავს არ აძლევენ და სრულიად ტყუილუბრალოდ.
კოკის საჯარო სკოლის მეცხრე კლასის მოსწავლე ანა ხასიამ ჩაატარა საინფორმაციო შეხვედრა, რომელსაც ესწრებოდა ოცდახუთი დევნილი თუ ადგილობრივი ახალგაზრდა. მონაწილეებს მიეწოდათ ფონდი „სოხუმის" პრეს - რელიზი ქალთა მიმართ ძალადობის წინააღმდეგ 16 - დღიანი საერთაშორისო კამპანიის შესახებ. დაურიგდათ საინფორმაციო ბუკლეტები, კალენდრები, პოსტერები, წიგნები.
შეხვედრაზე 16-დღიან კამპანიასთან დაკავშირებით დაისვა შეკითხვები. გაიმართა დისკუსია, იმაზე თუ როგორაღმოიფხვრას საზოგადოებაში ძალადობა, როგორდავიცვათ თავი ძალადობისაგან.
შეხვედრაზე ახალგაზრდებმა აღნიშნეს, რომ მსგავსი ხასიათის შეხვედრები მათ ცნობიერებას დადებითად ცვლის.
ძალადობის წინააღმდეგ 16-დღიანი კამპანიის
ფარგლებში აფხაზეთის მეხუთე სკოლაში ასფალტზე ხატვის კონკურსი ჩატარდა. კონკურსში
მეოთხე - მეათე კლასების 15 მოსწავლე მონაწილეობდა. ჟიურის წევრები უფროსკლასელებისაგან
შეირჩნენ.
ძალადობის მიმართპროტესტის თემაზე შესრულებული ნახატების ძირითადი მესიჯები იყო: - ძალადობა
ბოროტებაა, ახალგაზრდები ვირჩევთ მშვიდობიან - არაძალადობრივ გარემოს; რწმენით,
სიყვარულით ვძლიოთ ძალადობას;
კონკურსის ბოლოს ყველა მონაწილეს სამახსოვრო
საჩუქარი გადაეცა.
10 მონაწილე ერთი საათის განმავლობაში წერდა თხზულებებს. მათ იცოდნენ, რომ კონკურსი ქალთა მიმართ ძალადობის წინააღმდეგ კამპანიას ეძღვნებოდა.
კონკურსი აფხაზეთის ავტონომიური რესპუბლიკის მეექვსე საჯარო სკოლაშიჩატარდა, შემდეგ კი ფონდ „სოხუმში" ჟიურიმ შეაფასა მონაწილეთა ნამუშევრები და გამარჯვებულები გამოავლინა.
მეორე დღეს გამარჯვებულებს წიგნები გადასცეს, ყველა მონაწილემ მცირე სამახსოვრო საჩუქარი მიიღო.
- კონკურსში მონაწილეობა ძალიან საინტერესო იყო ჩემთვის, - თქვა ფონდი „სოხუმის" ტელეჟურნალისტისთვის მიცემულ ინტერვიუში მარიამ არჯევანიძემ. - ძალადობას არავინ არ უნდა შეეგუოს, ყველაფერი უნდა გავაკეთოთ მშვიდობის მისაღწევად შინ და გარეთ.