იურისტთან შეხვედრები ბევრ აქტუალურ საკითხს ეხება. აპრილის შეხვედრების ერთ-ერთი თემა იყო საალიმენტო მოვალეობანი. მონაწილეებმა მიიღეს ინფორმაცია მშობლების, შვილების და ოჯახის სხვა წევრების საალიმენტო მოვალეობებზე, ალიმენტის ოდენობაზე და სხვა საკითხებზე.
აპრილში ჩატარდა 6 შეხვედრა იურისტთან ქუთაისის კოლექტიურ ცენტრებში, რომელთაც ესწრებოდა 65 ქალი.
ინდივიდუალურ კონსულტაციაზე ფონდი „სოხუმის“ ოფისში მოქალაქემ მიიღო ახსნა-განმარტება, როგორ დაიცვას თავი მოძალადე გაშორებული მეუღლისაგან.
პროექტიხორციელდებაორგანიზაცია Brot für die Welt – Evangelischer
დებატები ზუგდიდსა და სენაკში, წყალტუბოს ქალთა მხარდაჭერის ცენტრის აქტივისტების პორტრეტები, ხონელი ახალგაზრდების ხედვა, ფონდი „სოხუმის“ ფორუმ-თეატრის აქტიური მუშაობა, ოჯახში ძალადობის პრევენცია - ეს და სხვა საკითხები აისახა ჟურნალ „ქალთა ხმის“ მეორე ნომერში.
ჩანახატი, ანალიტიკური სტატია, ინფორმაცია, რეპორტაჟი - ჟურნალი ჟანრობრივადაც მდიდარია.
მკითხველს შესაძლებლობა აქვს, დაინახოს ფონდი „სოხუმის“ მუშაობის მასშტაბები მნიშვნელოვანი პროექტის „ქალთა უფლებების გაძლიერება დასავლეთ საქართველოში“ ფარგლებში.
აპრილის თვის შეხვედრების თემა იყო ძალადობის მსხვერპლ ქალთა რეაბილიტაცია.
შეხვედრები ჩატარდა ქუთაისში, ხონში, წყალტუბოში, სენაკში, ფოთში და ზუგდიდის რაიონის სოფელ ხურჩაში.
შეხვედრებზე დევნილმა ქალბატონებმა გაიგეს სიახლეები. მათ დაურიგდათფონდი „სოხუმის“ ჟურნალები და მიიღეს ინფორმაცია დაგეგმილი ღონისძიებების შესახებ.
აღნიშნულ შეხვედრებს ინტერესით ელოდებიან დევნილთა კოლექტიურ ცენტრებში, ქალბატონებს აქვთ შესაძლებლობა, არა მარტო განიტვირთონ ყოველდღიურობისგან, არამედ მობილიზატორებისა და ქალთა მხარდაჭერის ცენტრების მეშვეობით მოაგვარონ თავიანთი პრობლემები.
პროექტიხორციელდებაორგანიზაციაBrot für die Welt – Evangelischer
ქალთა მხარდაჭერის ცენტრების მუშაობის სტრატეგია, პროექტის ცალკეული კომპონენტების მნიშვნელობა და მიღებული შედეგების კავშირი მთავარ მიზანთან - ამ საკითხებზე ორდღიანი ტრენინგი გაიმართა ქობულეთში. მასში მონაწილეობდნენ ქუთაისის, ხონის, წყალტუბოს, ფოთის, სენაკის, ხურჩის (ზუგდიდის) ქალთა მხარდაჭერის ცენტრის მობილიზატორები.
ინტერაქტიულმა და ჯგუფურმა სავარჯიშოებმა, იმიტირებულმა წარმოდგენებმა, დისკუსიებმა საშუალება მისცა მონაწილეებს, სიღრმისეულად ჩაწვდომოდნენ განსახილველ საკითხებს.
ტრენინგის ბოლოს მათ აღნიშნეს:
- თითქოს ყველაფერი ნაცნობი იყო, მაგრამ უკეთ გავიაზრეთ აქტივობები კავშირი პროექტის მთავარ მიზანთან.
- გავაანალიზეთ, რამდენად სწორია ის სტრატეგია, რომელსაც მუშაობისას ვიყენებთ.
-დღეიდან შევძლებთ უფრო ეფექტური გავხადოთ საკუთარი მუშაობა, ამაში ეს ტრენინგი დაგვეხმარა.
მობილიზატორების აზრით, სასურველია, მსგავსი ტიპის ტრენინგები ხშირად გაიმართოს, რათა მათი პროფესიული მომზადების ხარისხი გაიზარდოს, რაც მათ შემდგომ მუშაობაში აისახება.
პროექტიხორციელდებაორგანიზაცია Brot für die Welt – Evangelischer
ფეისბუქის ახალგაზრდულ გვერდზე ბევრი პუბლიკაცია დაფიქსირდა თემაზე „მოხეტიალე წიგნი“. ქუთაისში, შექსპირის კვირეულთან დაკავშირებით ჩვენ სახეტიალოდ სიმბოლურად გავუშვით „მეფე ლირი“.
ფეისბუქის ერთ-ერთმა მომხმარებელმა აღნიშნა:
- 27 წლის ვარ, აქამდე არასოდეს შევხვედრივარ ამ წიგნს. ახლა თეატრის ახლოს ვიპოვე, წავიკითხე და იქვე დავტოვე. გამიხარდება, თუ სხვა მკითხველები გაგვიზიარებენ თავიანთ შთაბეჭდილებებს. მადლობა თქვენ!
აპრილში ქუთაისში ჩატარდა 8 ჯგუფური და ორი ინდივიდუალური (პრობლემები - მოძალადისგან თავის დაცვა და მოზარდის დეპრესია) შეხვედრა ფსიქოლოგთან. შეხვედრებს ესწრებოდა 87 ქალბატონი 19-დან 60 წლამდე.
3 ჯგუფური შეხვედრა და კონსულტაცია გაიმართა სენაკის, ქუთაისისა და ხურჩის (ზუგდიდის რაიონი) ქალთა მხარდაჭერის ცენტრებში 28-დან 60 წლამდე ასაკის 45 ქალბატონის მონაწილეობით.
თითქმის ყველა შეხვედრაზე დაისვა ფულის ხარჯვასთან დაკავშირებული საოჯახო კონფლიქტების საკითხი: „არ მენდობა“, „მეჩხუბება, ფული რაში დახარჯეო“, „ყაირათიანი ქალი არ ხარო“ და ა.შ.
ადრე პატივსაცემ ოჯახებში არსებობდა წიგნი, სადაც საღამოობით შეჰქონდათ საოჯახო ხარჯები. ძველი ხერხი დღესაც აქტუალურია - ეს დააწყნარებს ნერვებს, არ იქნება კონფლიქტები, გაიზრდება ნდობა, ყველას ექნება რეალური ინფორმაცია შემოსავალსა და გასავალზე, რაც ხელს შუწყობს ოჯახური ურთიერთობების მოწესრიგებას.
პროექტიხორციელდებაორგანიზაციაBrot für die Welt – Evangelischer