|
მედიის როლი პრობლემების ადვოკატირებაში - მოუწესრიგებელი შიდა გზები, უწყლობა, ბუნებასთან უდიერი დამოკიდებულება - ხეების გაჩეხვა - არსებული საკითხების გარშემო ცხარე დისკუსია გაიმართა ქალთა გაცვლით შეხვედრაზე...
ამომრჩეველ ქალთა კლუბს სამი ქალაქის - ქუთაისის, ხობისა და ბათუმის ქალთა კლუბების წარმომადგენლები ესწრებოდნენ.
დღის მთავარ თემას - მედიის როლი პრობლემების ადვოკატირებაში - სამივე ქალაქის წარმომადგენელი გამოეხმაურა. აღინიშნა, რომ პრობლემების ადვოკატირების მიზნით, ხშირად მიმართავენ როგორც ადგილობრივ, ასევე ცენტრალურ ტელეკომპანიებსაც.
ადგილობრივი ტელეკომპანია „ოდიშის" საინფორმაციო სამსახურის უფროსმა ნანა ქობალიამ ისაუბრა მედიისა და არასამთავრობო ორგანიზაციების თანამშრომლობაზე.
ფონდი „სოხუმის" წარმომადგენელმა ჩაატარა ვორკ-შოპი თემაზე - ლიდერი და მისი გუნდი.
დღის ბოლოს, ქალთა კლუბის წევრებმა მოინახულეს დადიანების სახლ-მუზეუმი, დაათვალიერეს ასეულობით ექსპონატი: ფრანგი თუ გერმანელი მხატვრების მიერ შესრულებული ნახატების ორიგინალები, ცნობილი თუ უცნობი ქალების პორტრეტები, უცხოური ლიტერატურა, სხვადასხვა იარაღი, ძვირასეულობა, ავეჯი...
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED) | 
