მთავარი »
2011 »
ივნისი »
14 » შეხვედრები კოლექტიურ ცენტრებში
10:54 შეხვედრები კოლექტიურ ცენტრებში |
|
საერთაშორისო კამპანიის "გლობალური კვირა შეიარაღებული ძალადობის წინააღმდეგ" ფარგლებში ჩატარდა შეხვედრები 3 კოლექტიურ ცენტრში (სატრაქტორო ქარხნის ადმინისტრაციული შენობა, პირველი კოტეჯი, ლიცეუმი). შეხვედრის მონაწილეებს დაურიგდათ საინფორმაციო ფურცლები.
თვალსაჩინო ადგილას გაიკრა პოსტერები სლოგანით "ქალები შეიარაღებული ძალადობის წინააღმდეგ". აღინიშნა, რომ საერთაშორისო ქსელ "IANSA"-ს ორგანიზებით 13-დან 19 ივნისამდე მთელს მსოფლიოში ტარდება საერთაშორისო კამპანია და წელს ამ მოძრაობას შეუერთდა ფონდი "სოხუმი", რათა გამოხატოს სოლიდარობა შეიარაღებული ძალადობის მსხვერპლთა მიმართ.
კოლექტიურ ცენტრებში ჩასახლებულმა დევნილებმა, რომლებმაც თავიანთი მხრებით ზიდეს ომის სიმძიმე, თქვეს, რომ თითოეული ადამიანის მოქალაქეობრივი ვალია, აიმაღლოს ხმა უკონტროლო შეიარაღებისა და შეიარაღებული ძალადობის წინააღმდეგ.
|
|
კატეგორია: შეხვედრები |
ნანახია: 936 |
დაამატა: moderatori
| რეიტინგი: 0.0/0 |