|
კამპანიის ფარგლებში ფონდი „სოხუმის" ფორუმ-თეატრმა ქუთაისის 31-ე სკოლაში ჩაატარა წარმოდგენა, რომელსაც 40-ზე მეტი მაღალკლასელი დაესწრო. ასევე ესწრებოდა სკოლის დირექტორი და რამდენიმე პედაგოგი.
წარმოდგენის შემდეგ მოსწავლეები აქტიურად ჩაერთნენ განხილვაში, რამდენიმე სცენა საკუთარი ალტერნატიული ვარიანტითაც შეცვალეს და პრობლემის მოგვარების გზები დასახეს.
მონაწილეთა აზრით, ძალადობის პრობლემის განხილვა ფორუმ-თეატრის მოდელით საკმაოდ ეფექტურია. მათი თქმით, „ყველაფერი შენს თვალწინ ხდება და შენდა უნებურად გიჩნდება სურვილი ჩაერთო და წინ აღუდგე სხვადასხვა ფორმით გამოხატულ ძალადობას". | 
