მთავარი » 2010 » აპრილი » 27 » ფონდი „სოხუმი“ აგრძელებს ვორკშოპებს თემაზე - ფემინიზმი და გენდერული თანასწორობა
01:28
ფონდი „სოხუმი“ აგრძელებს ვორკშოპებს თემაზე - ფემინიზმი და გენდერული თანასწორობა
27 აპრილს სენაკის ქალთა მხარდაჭერის ცენტრში მეორე ვორკშოპი გაიმართა თემაზე, ფემინიზმი და გენდერული თანასწორობა. ვორკშოპის მსვლელობისას მონაწილეები დიდი ენთუზიაზმით ჩაერთნენ ინტერაქტიულ სავარჯიშოებსა და დისკუსიებში. გოგონებისათვის ნაცნობი იყო გენდერული თანასწორობის საკითხები. განსაკუთრებით დაინტერესდნენ ფემინიზმის თეორიით. შეხვედრის წამყვანმა, ფონდი „სოხუმის" მოხალისემ - ანია ვესტბერგმა მონაწილეებს გააცნო ინფორმაციები ფემინიზმის ისტორიაზე და მიზნებზე. მოუთხრო მათ ცნობილ ფემინისტ ქალებზე.
დასასრულს, გოგონებმა აღნიშნეს, რომ შეხვედრა საინტერესო და მნიშვნელოვანი იყო, მათ შესაძლებლობა ჰქონდათ მეტი გაეგოთ გენდერისა და ფემინიზმის საკითხებზე და გამოეთქვათ საკუთარი მოსაზრებები. მომდევნო ვორკშოპი ფოთში, ოთხ მაისს გაიმართება.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.