მთავარი » 2012»მაისი»28 » ქალთა მხარდაჭერის ცენტრების მობილიზატორების შეხვედრა დევნილებთან
11:15
ქალთა მხარდაჭერის ცენტრების მობილიზატორების შეხვედრა დევნილებთან
ქალთა მხარდაჭერის ცენტრები ქუთაისში, წყალტუბოში, ხონში, სენაკში,ფოთსა და ხურჩაში აქტიურ მუშაობას განაგრძობენ. მობილიზატორების დევნილებთან შეხვედრების დროს იკვეთება მოსახლეობის პრობლემები: სენაკში - კერამიკის ჩასახლებაში დღემდე არსებობს საცხოვრებელი ფართის დაკანონების პრობლემა. ამავე ჩასახლებაში მცხოვრებ ქალბატონს ბინაში წყალგაყვანილობასთან დაკავშირებული საკითხი აწუხებდა. ქალთა მხარდაჭერის ცენტრის მობილიზატორებმა და იურისტ-კონსულტანტმა წერილით მიმართეს აბაშის, სენაკისა და ხობის გაერთიანებული წყალმომარაგების კომპანიას. პრობლემა მოგვარებულია; წყალტუბოში - კოლექტიურ ცენტრებში მცხოვრები დევნილებისთვის განსახლების თემა ისევ მთავარ პრობლემად რჩება, დაუზუსტებელმა ინფორმაციებმა მოსახლეობა ძალიან დაღალა. აღნიშნულს, ზაფხულის მოსვლასთან ერთად, მწერების გამრავლებაც დაერთო; პრობლემები აქვთ ახალი დასახლების დევნილებსაც: მობინადრეები წუხილს გამოთქვამენ იმაზე, რომ წყლით სასვსე სარდაფებში ქვეწარმავლების გაჩენის საშიშროებაა.
აღნიშნული ცენტრების მობილიზატორები, დევნილი თუ ადგილობრივი ქალები, ადგილობრივი ხელისუფლების წარმომადგენლებთან ერთად, მოსახლეობის პრობლემების მოგვარებისთვის აქტიურად მუშაობენ.
