„მშვიდობის გარეშე წარმოუდგენელია განვითარება, წინსვლა“. „თუ ომის საფრთხე არსებობს, იქ საფრთხე ექმნება თავისუფლებას, დემოკრატიას“, - ასეთი მოსაზრებები დაფიქსირდა ზუგდიდში გამართულ დებატ-კლუბზე, რომელიც ფონდი „სოხუმის“ ხურჩის ახალგაზრდული ცენტრის ინიციატივით მესხიას სახელობის სახელმწიფო უნივერსიტეტში მოეწყო.
მონაწილები გაეცნენ მშვიდობისმყოფელ ქალთა ისტორიებს, ისაუბრეს ქალთა ინიციატივებზე.
დებატებზე გაჩნდა შეკითხვა: ვის რა გაუკეთებია მშვიდობისათვის? შეკითხვას ცხარე დისკუსია მოჰყვა. სტუდენტების აზრით, ახალგაზრდობა სამშვიდობო საქმიანობაში სერიოზული რესურსია, მაგრამ ეს რესურსი არ არის გააქტიურებული და ათვისებული.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
|